想跳槽,比啲意見我啦!!

2008-01-03 7:06 pm

我有十年工作經驗,可惜只是一般文職,我自知技不如人,所以考咗個pro dip management , 但係我冇任何管理實戰經驗,打開報紙份份都要有相關經驗?我現職呢份又內定晒啲人上位。
我究竟搵啲咩類型公司至啱?
我本身冇所謂,電訊IT,服裝,物流,等都OK嫁!
咁職位我應該搵咩嚟見?有冇MANAGEMENT TRAINEE?定係特定的名稱?
我嘅工作生涯越來越短啦，我冇時間再慢慢向上爬，而且，我都爬咗十年啦，我唔係想一步登天，只係想衝出十年前嘅薪金姐，冇錯，我而家嘅人工,依然係十年前嘅標準，話就話呢兩年經濟好番，但我公司依然唔加，又唔係我表現差，所以我真係冇晒心機留係度。
大家就幫下我，諗下有咩辦法？
我只係想有份工可以俾我學以致用，改善下我而家的生活環境，thanks!!

更新1:

powerkms: 唔好賣廣告得唔得!!!!!!!!!!!!!!!!!!!!!!!!!!!!!!!!

回答 (1)

看海

2008-01-05 5:14 pm

✔ 最佳答案

唔知你所講的文職係咩位, 文員? 我都唔知你幾多歲, 會唔會係30以下?
如果做左10年文員, 又係30以下, 你不如試下去搵Administrative Assistant, 又或者再跳一級去試Administrative Officer. 文員始終係公司只屬一般員工, 唔似行政會掂得多野d. 做文職想要往上爬, 最好就係轉行政. 唔係話年齡歧視, 只係一般公司都會比較鍾意揀年輕d的去做行政, 因為會有serve公司client的機會, 年輕漂亮又做得當然就最好.
而且行政係好近老闆的職位, 如果你做得好, 可能會有機會升私人助理, 所以希望你好運啦~
行政助理呢個post, 人工應該有8000以上, 視乎你學歷. 如果大學畢業, 市價應該係9000以上. 如果你唔係大學畢業, 而年紀又唔係太大, 你不如去讀番大學啦~ 要記住, 十幾年後香港通街都係大學生, 你唔係大學生好快就會俾人淘汰架啦~

👍 0 👎 0