下腹脹問題!唔該各位救下我!!20點問題!

我本身好瘦同埋高,
不過過左18歲之後,
就慢慢開始肥!

其實我不嬲都有個肚腩仔,
但係自11月黎完M開始,
我個下腹開始脹,
又成日放屁打嗝,
睇過兩次醫生,
醫生話我個肚有好多風!

跟住我媽煲左d有薑o既湯我飲幫我驅風,
我飲完不停打嗝同埋放屁!
前日我又飲左d黑胡椒湯,
跟住就成身出風爛,
咁我以為發晒d風出黎,
個肚會細d,
點知都仲係咁脹,
但係我肯定自己唔係有左,
因為我有黎M!

同埋我個胃不嬲都唔好,
成日胃痛,
加上之前夏天成日食凍野,
所以而家胃痛o既次數頻密左!

仲有醫生話心情緊張都會影響,
我自問心情係比較容易緊張,
但係我一路以黎都係心情緊張,
點解而家先會下腹脹?!

唔該我想問下大家,
我到底係咩事呢?!
有咩方法可以令下腹冇咁脹呢?!

我已經食左醫生開o既胃藥,
但係都冇用,
其實關唔關我飲得太多凍野?!
仲有我少食生果係咪都關事?!

求下大家救下我!!!
好感激大家!!