申請破產解除証明書

其實你唔使特別寫信給破產主任的. 發出"不反對通知書"係法定破產程序, 係唔使申請的. 亦無必要由律師代做.

當你破產夠期前約2個月, 破產主任會在憲報及/或報紙刋登通告, 話俾全世界知你即將破產到期, 睇下有無人反對你解除破產. 如果係限定時間內無人反對, 而你在破產期間無違反任何破產規例, 咁個破產主任會自行寫report向法庭申請解除破產令. 到在你足夠4年後, 你會收到破產管理處的信, 告訴你你在某年某月某日正式解除破產, 並會附上一封 "不反對通知書", 內容係破產管理處唔反對法庭向你發出解除破產證明書(Certificate of Discharge of Bankruptcy). 你憑信親身去到金鐘高等法院的LG1層, 填張表格向法庭申請正式的解除破產證明書, 並即場宣誓, 交回表格三星期後親自憑身份証番去攞張證明書就得. 費用全免.

提提你: 法庭只會向你發出一封解除破產證明書如有遺失例不補發所以千萬唔好唔見.

剛滿左4年破產期,一般會幾耐先收到破產管理處的信, 告訴你你在某年某月某日正式解除破產, 並會附上一封 "不反對通知書",......冇收到又要點做哦??......唔該!!!

其實你無須搵律師代做破產解除証明書,因為當你已完了4年的破產令,咁破產令就會自動解除,但倘若你須要一張破產証明,你可通過以下的方法就可得到一張免而有效的破產解除証明書。你可傳真一封信給破產管理處,傳真號碼 31051814, 信中寫上你的案件號碼、主任名稱、你的名字、身份証號碼、聯絡電話及地址,和你要申請一封名為解除破產令証書。因為這張証書是由高等法院發出的。當破產管理處收到你的傳真後,他們就會著手幫你向高等法院申請。當成功申請到的時候,破產管理局會給你一封信,咁你就要親身到高等法院處取那張解除破產令証書。而高等法院的電話是25232212。一般由你開始申請到你得到解除破產令証書一般須時約三個星期。希望以上的資料可以幫到你忙省回一筆$2000元的費用。

2008-01-02 14:26:23 補充：
是免費而有效破產解除証明書

2008-01-03 15:19:25 補充：
若果你的管理人可以代你申請到解除破產令証書的話,咁你就唔洗再聯絡破產管理處咯!