貸款 急

若果你上述債項並非來自賭博, 我首先對你深表同情!

其次, 由於你無入息証明, 所以我一定要叮囑你千萬千萬唔好光顧通街放滿廣告牌強調"無需入息証明"既所謂"財務公司", 根據我好多警察朋友講, 該些公司會以威逼利誘你去簽名, 若你借一萬, 最終你只會得$2,000-$3,000! 記住記住"千其唔可以去呀"!!!!!!!

經我分析你上述情況後, 若果過去你都有準時還錢, 並無任何欠債或遲還紀錄, 我建議你嘗試與大新銀行商討, 借一筆大錢還晒所有數, 四條債項轉為一條, 因為大新銀行利息比其他銀行更低! 一來總利息可以低d, 二來你亦可以分長d還, 還得無咁辛苦! 我絕對相信大新銀行會批出貸款, 因為你係佢哋既舊客戶, 而且現在各間銀行都水浸, 有生意佢哋一定做!

萬一大新銀行真係唔批, 你唯有嘗試其他銀行, 其次就係真正既財務公司, 最後可以試吓IVA個人債務重組(不過要比較高手續費).

最後希望你唔好嫌我煩, 我想提醒你千其唔好用賭博形式想一次過還晒所有債項, 十賭十輸! "賭"既意思係一個人(者)一生都要背住錢(貝)去過活, 到時一世都只會成為錢既奴隸, 再無人生樂趣!

P.S. 本人聲明本人只係一個信基督教既公務員, 並非任何財務機構既職員, 上述建議純粹個人意見, 希望可以幫到你啦!

首先要睇吓你為咩要一個戶口供哂??
1) 冇能力每個月還~$6000
2) 一次過還哂, 可俾少D息
3) 怕麻煩

只係1) 或 2) 先好諗一個戶口供

如果係3), 就冇謂攪咁多嘢,因睇你D分期就算一次過還哂D息都唔會俾少咗.你再申請咁咪又要俾多d息..

好好地還哂佢, 一年多就還哂啦.