✔ 最佳答案
A.林林地係瘡,硬既話就係腫瘤,兩樣都要盡快睇醫生先得,雖然好多時初期鼠鼠較少會好累好病咁,但唔好以為咁就冇事,因為鼠鼠壽命短,新陳化謝快,d病毒都會忽然行得好快,到嚴重既時候先去處理,就好難救得好了
瘡既話,最好在爆之前就處理好,唔係既話,爆左就好麻煩,好難好返.
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷.
腫瘤既話應該會照下,再做手術整走佢
放膿or整腫瘤都要落麻醉藥(放膿要睇位置同情況),不過你隻鼠年紀大既話,就要考慮清楚先好決定,老左既鼠好難承受到麻醉藥既,而且醫生都未必會幫佢做手術,情況嚴重既話,可能會建議你人道毀滅,所以睇醫生既話都要先諗定想點處理
B.呢兩樣情況都需要較多儀器,可以到大圍度睇:
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030 地址:大圍積信街75號地下
http://www.taiwaiexotic.com/
平d可以睇愛護動物協會,但做手術既話,都可能會叫你睇大圍,因為設備不足
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
C.唔睇醫生or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既
D.會唔會死就要睇返腫瘤係良性定惡性,但有腫瘤既話,好易搶走鼠鼠既營養,所以就算係良性都要小心處理
年老既鼠其實好易會生腫瘤,有研究指出,倉鼠一生差不多一定會生腫瘤,但有D在體內就冇被發現都唔奇
年老既鼠仲有好多事需要留意,可參考以下我回答既知識:
http://hk.knowledge.yahoo.com/question/?qid=7007090905156
2008-01-03 13:16:44 補充：
鼠鼠已年老,粒野又咁大,如果係腫瘤應該就好難處理,年老始終不宜做手術但如果係瘡就易處理d了都真係好難決定既,睇醫生一定唔包醫好,睇完話冇得救既話又好慘,但睇下知道有冇方法幫到鼠鼠都好呢多d醫生既資料可以參考一下以下我回答既知識:
http://hk.knowledge.yahoo.com/question/?qid=7007091500003
