關於6120 classic 的問題

我剛剛買左部6120 classic ,好多野唔識用,想請教大家!

(1) 我部舊電話唔知係咪個通訊錄有啲save响部機度,有啲save响張卡到.張卡轉左去部6120 之後,啲電話唔係齊晒不特止,仲要响sim卡度逐個複製番落個通訊錄.除左自己逐個逐個加番入去之外,有無其他辦法?

(2) 我插左micro SD card,然後用USB直接過歌去部機度,點解佢會save落去樂曲果度而唔係save去音樂播放器嘅呢?可唔可以自己選擇啲歌save去邊個位置架?

(3) 同埋啲歌過左去部機度之後,除左樂曲會有檔案之外,响鈴聲度都會有晒果啲檔案,點樣可以令佢唔會save埋落去鈴聲果度呢?因為鈴聲我通常只係用果幾首,如果所以歌都save埋落去鈴聲果度,我想搵心水鈴聲就好難搵啊!