深圳落仔一問(3個幾)急急急

可以選擇"堔圳市婦幼保健院"....
這間係一間最衛生而好墮胎醫院...
因為me在2007年12月10號先做過

我唔知你點解要落仔, 但你黎到成三個幾月先要落仔, 其實好殘忍, 好似上面位姐姐話, 三個幾月, bb已經唔係一粒野, 其實三個月開始, bb已經有手有腳, 仲開始有頭髮, 大腦小腦其實已經成左形, 耳朵都生好左, 隨時聽到媽媽講野, 聽到媽媽心跳架喇, 如果你真係唔想生bb住, 先先唔好再提點解你冇做足安全措施, 但你搞到三個幾月先落就真係唔話你唔得, 我都有左四個月喇, 我冇後悔, 感覺住bb一日一日咁長大, 我食咩佢食咩, 我只會唸點解唔早d生呢? 原來做媽媽係咁美妙既事, 做左媽媽先係一個真正既女人, 既然有左, 點解要結束bb既生命呢? 你記住, 冇人會比你既bb更愛你, 宜家係, 將來都係

好唔好彩,我10月先上過去...
我初初係唸住向深圳人民醫院,
但佢話我已經10個星期,佢唔幫我做刮工,
叫我去排期留院做引產,
我心大心細既情況下去左問排期幾錢,佢話要先放低2千元....
then我就無做,
因為我其實係唔可以留院....佢仲要我留3-7日不定...

結果我去左流花....
流花個醫生話10個星期都仲可以刮工,但3個月就唔可以啦

所以我相信你3個幾月就一定要做引產

引產佢同你講唔駛住院你都唔好啦,
引產即係個bb真係要經過你既陰道而出黎,只係佢已經死左..
基本上個過程同生仔無咩分別..
唔住院又點得呢?= =

你仲想自己買落仔藥.....
你知唔知bb3個幾4個月大已經有心跳,有手手腳腳?
萬一你自己食左落仔藥有咩事咁點算?
為左你自己健康,你唔好去買個d所謂既落仔藥啦~'~
不過,我唔知邊度有得買~"~

講個經歷比你知,
我有個朋友佢又係3個幾4個月先去落,
但佢係向香港既私家醫院搞,都洗左成3萬元
個bb出左黎之後,佢打比我,喊住同我講:
"我唔落啦,個bb仲識踢我架!!!"
佢講返個b出黎既時候佢以為自己去開大,去到點知個b就出左黎,
佢話個b成身紫紫地色,最恐怖既係佢feel到個b仲踢左佢一下,
佢即係禁鍾叫姑娘
無論個b係唔係真係踢佢,當時既得人驚我朋友永遠都記得...

所以..如果都已經3個幾月大,
個bb唔係只係"一粒野",佢有手有腳,
加上為左媽咪既身體健康,我覺得....應該去搵下社工,屋企人傾下可唔可以生左佢出黎,
如果你地唔想要既,就拎去保良局之類比人

我覺得喱個係你地既責任...
無做好安全措施已經係你地既問題,
再黎仲要等到bb3個幾月先話落亦係你地既責任問題;
香港除左私家你無第二個選擇,
返大陸既就要留院......

對個媽咪會好傷...........

條路係點你地自己揀,
但個結果你地自己一定要去承受返

人在做,天在看

我建議你循正當途徑尋求援助，若果你未滿十六歲，懷孕期未超過二十四週，有些服務機構是可以協助你的，如家庭計劃指導會青少年保健中心(電話熱線：25722222)，他們會協助你終止懷孕。至於年齡在二十六歲以下，未婚而懷孕的少女，家庭計劃指導會也會提供援助。

我以前有個朋友十幾歲時未婚懷孕，她在香港的醫院終止懷孕（合法的），安全得多。

嘗試找你的父母談談，你始終是他們的女兒，他們一定會幫你。

希望你能作出明智的抉擇！

深圳落？
要睇邊間醫院，一般都便過香港！
3個幾月就要去睇左醫生先可做決定！


落仔藥？
一定唔好食！對身體唔好！
而且食左之後肚會好痛！
就算你食左，但之後都一定要去做身體檢查！
如果你落得唔干淨，就要去醫院再動手術刮宮！

去旺角都有黑市可以落仔!!