養魚一問..

但凡有藻，都係兩個原因：
１．水太肥。你換水夠唔夠密？應該一星期最少一次，每次換三份一至半缸。另外餵食會唔會太多？落糧後三至五分鐘食哂為準，唔好餵到食唔落。魚唔駛全飽，全飽的話佢痾多ｄ，一樣令水污糟。
２．太光。如果種陽性草，都係一升水一火燈，太光就會生藻，包括玻璃上生青苔（綠斑藻，green spot），由你o既描述我相信係呢一類。以一升水一火燈為準則，可以考慮將燈調暗（如光管有獨立開關就可以唔開一 set，冇的話可以扭鬆一支得佢唔著亦可）。仲有個缸唔好俾陽光晒到－－呢個係無敵大光源呀嘛。

如果你有養水草, 同個魚缸近陽光照射到地方, 就會常有發生.

你可以去魚店, 買一張布景紙, 貼在近陽光照到魚缸三面地方, 應該就沒問題.

通常生藻既原因都係因為魚缸經常被陽光照住,你去舖頭買番支叫<去苔劑>既藥水,然後跟住說明書去用就得,唔夠可以買多舊好似叫做<磁力百潔布>

2008-01-01 21:53:04 補充：
佢地既主要分別係唔會刮花個缸,普通百潔布用得耐就會刮花