氣管問題! (請認真作答! ,本人急需!)

氣管敏感頭一次發作真是很辛苦的~~

回想起我當年初初發現自己有氣管敏感的時候
病發時簡直生不如死,咁大個人真係未試過病得咁辛苦同病咁耐
足足病咗成個幾月,仲搞到我連份工都冇理,真係好慘~~
所以你現在的苦况我是深深明白及感受得到的
我真係好討厭咳,無論係自己或人哋咳都好憎
夜晚咳到訓唔到就更令人好抆同好辛苦~~
所以我會用好多方法去預防咳嗽,睇吓我的方法幫唔幫到你

1~戒盡所有甜品、零食、凍飲~~
2~牛奶類飲品千祈唔好飲,尤其是那些好立克、阿華田、朱古力
好靈驗,一飲親到夜晚實會咳同好多痰~~
3~提子、芒果、荔枝、龍眼、菠蘿、紅毛丹、香蕉等都不要吃
因會惹痰,提子、芒果就濕毒~~
4~凍水同熱水都不能飲,衹可飲和暖水
5~要多些保護喉嚨,儘量不要讓此部位被風吹到,頸巾要常備~~
6~每天早、晚都飲一杯麥盧卡蜜糖水,這種蜜糖對氣管敏感
皮膚敏感、喉嚨痛及濕疹等都很有幫助,有預防及制止咳嗽的作用~~
7~常備敏感藥,以防一咳不可收拾,我吃的是Zytrec治敏速,
藥房賣約三十八元一排、一排十粒、一天一粒,無睡意
你亦向你的醫生查詢購買那隻敏感藥好~~
8~之前我作答時有位熱心的網友提供這湯水療方給我,你亦可試試
虎乳靈芝一両（分三次）、川貝一両（分三次）
廋肉約十元一次、蜜棗兩粒、
水滾後兩小時便可,味道很清香~~
這裡有一個蜜糖專賣店的網址:
www.thh.hk
它有一隻小蜜蜂蜂膠蜜糖糖也是很好的,但祇在店面有售！
希望幫到你！
圖片參考：http://hk.yimg.com/i/icon/16/25.gif

我之前都試過咳好耐,
咳左幾個月都有,
耐到我驚我有肺癆!
不過係前排12月頭個時就感冒,
之後睇左2次中醫, 飲左4次中藥, 好似咳少左。
不過都仲有咳。
咁岩正值考試, 又唔敢食d有睡意藥。
考完試後就keep左日日飲係藥房買既咳水。
其實之前咳個時都有飲咳水, 不過一直都唔好。
之後我就唔係成日飲, 因為我驚上"引"。
飲左個幾星期後, 就好明顯咳少左。
個隻咳水好似係樂信。
飲到飲晒咁濟。
而家已經冇乜點咳la!
希望幫到你la!
快d好番!!!!

我又係氣管敏感, 一病就咳, 咳親就一兩個月, 最長半年, 斷斷續續, 照過肺, 醫生話個肺無事, 只係氣管擴張. 因此我經常吃雪梨湯, 萍果湯等平常食療, 但最緊要戒泠飲.

你試下去屈臣氏或萬寧買一隻叫做急支糖漿的咳藥試下, 係純中藥含魚腥草成份, 我通常都可以止到咳及漸漸痊愈的, 此外 你試下叫家人煲下列清潤的咳湯Y, 亦對氣管有療效, 一個人份量, 去藥材鋪執10-15元便夠

瘦肉, 南北杏, 桑葉, 款冬花, 白勺, 桔梗 +蜜棗 (先洗浸藥材再加瘦肉煲兩小時, 便可, 飲時可加少許盬)