咀唇邊又紅又痕又甩皮, 係咪濕疹? 要睇專科醫生?

吳端燦中醫師
但我唔記得地址, 淨係識去.
係牛頭角道(大概229號), 近花園大廈, 要係牛頭角地鐵站出, 經隧道過對面馬路, 會見到間7仔, 再向九龍灣方向行, 約5分鐘.
記住, 要跟足佢指示去做, 戒口要戒到足, 咪以為食小小唔怕, 隨時前功盡廢.
一定要覆診, 因為中醫係要試藥, 睇你身體對藥物的反應, 然後再調節.
千奇唔好睇西醫, 因為佢地只會俾藥膏你搽, 而且多數都含類固醇, 不但有副作用, 重治標唔治本.
吸收多d維他命c, 增強免疫力, 有助消滅濕疹元凶 - 真菌.
而最有效嘅方法, 就係多做帶氧運動, 每日25分鐘, 流小小汗就夠.
希望你早日靚番!!

發問者分享(一)

大家好, 我係呢個知識的原發問人, 依家再同大家跟進下我個情況

我個問題好返曬啦! 但我並無睇過醫生, 只係自行搵野搽好返曬. 分享如下:

某日, 我睇雜誌專欄, 個編輯分享自己過敏的話, 必然會搽中國藥品 999的 "皮炎平"
我即時諗起三九"皮炎平" 對止痕好有效, 細個俾蚊針完都用佢. 而佢亦對誘發性敏感痕癢有效, 就即時搵黎搽.
搽後有涼涼地既感覺, 止痕效果不錯. 小心唔要lam入口, 始終係外用品, 應該不宜食用. 同埋我唔知佢有無類固醇, 但我用到止痕, 就無理咁多.

2012-01-06 10:05:14 補充：
發問者分享(二)

我唔sure香港藥房有無得賣呢隻野, 因我自己屋企一向有D大陸藥膏看門口, 但試下搵啦, 有都唔定. 佢係一枝鍚質牙膏管包裝, 紅白色包裝設計

另外乾燥問題, 我同時有搽英國護膚品牌Simple(港姐馬鶱做代言人ga)保濕lotion, 萬寧有得賣. 約50-70蚊一枝, 100~200ml咁上下, 算好平.
我用呢隻lotion, 貪佢防敏感, 搽落紅癢處又唔會"la". 試過好多cream同lotion一搽會刺刺地痛, 搽左一痛就更加紅. 但用simple幫到我舒緩發紅既問題.
佢係白色一樽咁, 扭蓋係綠色, 上面d字都係綠色咁.

2012-01-06 10:05:44 補充：
發問者分享(三)

我係咁keep住搽上述兩樣野半年至一年度, 就好返曬. 無痕無紅無脫皮.
就算之後一有咩唔妥或咀邊痕癢, 我就即刻搽"皮炎平"
依家屋企一定有呢兩樣野.

以上只係我既經歷, 唔知對其他人work唔work. 但兩樣野買齊都唔使100蚊, 試下都無妨既

仲有, 要保持咀唇清潔, 食完野, 咀邊有醬汁既, 最好搵紙巾濕濕水抹乾淨, 免得留有刺激物留係咀唇上. 小心保護, 咁會好得快d.

唔.... touch wood, 我又無翻發過, 都好返兩三年了. 但真係要保持清潔同keep住咀唇moisture.

2012-01-06 10:06:22 補充：
發問者分享(四)

我唔sure自己既情況係咪濕疹, 因我無好認真咁睇過醫生, 無確實檢查過.

我試過睇過一般政府門診, 醫生只係好隨便咁開d藥膏俾我搽, 但一搽上去勁"la", 頂唔順, 搽左幾日就stop了.

睇中醫, 又講一大堆咩積左d毒素係度呀, 要調理內在呀諸如此類.... 即廢話! 執幾劑清熱去濕既苦茶過我就算, 飲完又係無用囉.

若真係要搵出病因, 好可能要睇專科, 抽皮屑去化驗至得. 但咁搞一大輪, 肯定要花唔少錢.

我個情況就係咁喇, 希望幫到大家.

best wishes

*** 不好意思, 因字數限制, so要分開post.