更新1:
我出去in的時候當然唔會咁樣同人講，一定會收晒d缺點，進修我同人地講會出返黎睇下入到邊行，就會進修果方面知識，因為平常工作上接觸到的事再學會比較容易明白 我而家呢個位係冇得升的，唔係我唔爭取，我d同事都成日怕我辭職唔做，我的工作表現係所有同事都知道
前路茫茫~~(轉工)
2007-12-30 10:24 pm
小女子今年快30歲，係小學做左7年教學助理,好多人以為學校做野人工高,假多,做野事,單純,我想轉工好耐,就係冇勇氣,之前出去見工見過十零份,佢地都覺得我唔算有工作經驗,同埋佢地覺得係學校做,一定係好得閒,其實一d都唔係,單純可能比起商界算單純,裏面亦有好多爭上位,靠背景的人,假多?我地d非教師員工,一年有14日大假,不過大假平日唔攞得,一定要係學校假期裏面放平日假,當大假扣,想約朋友去旅行,佢地都要就我熬貴機票,所以都冇人陪我,而且而家真係好多好多野做,人工我做左7年都唔過1萬,又冇花紅雙糧,你話點算?好想跳返出去做,不過就係冇人肯比機會我,而且我真係唔知自己對邊行或者邊類工作有興趣,我真係冇接觸過其他事,,我的學歷是F5畢業,我真係對讀書冇興趣,所以出黎做野之後都冇進修過,我中文打字勁快,一分鐘90字左右,英文就慢好多,我d英文唔好,國語唔差,識word,excel同powerpoint,尤其word我已經用到出神入化的地步,我最鍾意自己去旅行,我有諗過做業務的工作,不過我性格好內外唔多講野,好驚做唔黎,同埋d人都唔會比機會我,你話我點算好呀?
回答 (2)
2007-12-30 11:20 pm
✔ 最佳答案
做了7年，工又悶，假又不多，人工又不高，當然最好跳出這框框！但你連自己對咩行業有興趣都不知，點會找到工？你話人地唔比機會，點比？你連目標、興趣都未清楚，人生方向都未定，轉工的決心又不足，邊個老闆會請d事業心不強的人？說真的，現在通街都大學生，你又表明自己唔會upgrade自己，word,excel同powerpoint，幾乎人人都識，點同人爭？你自信心不足，又內向，"好驚做唔黎"，點請你？他們請的人係要一些能承諾幫公司掙錢的，你呢？你去面試時有爭取機會嗎？你話佢地都覺得我唔算有工作經驗，你有同佢地解釋嗎？你說學校裏面亦有好多爭上位,靠背景的人，你在學校曾否努力表現自己？還是你7年來只是剛好做自己本份，無努力工作、爭取上位？那你這7年的工作經驗，同其他人一年的工作經驗有何不同？你今年30歲人，你為自己的人生做過甚麼？
2008-01-17 7:52 am
說得毫不留情，但字字珠璣，好。
收錄日期: 2021-05-02 14:58:37
原文連結 [永久失效]:
https://hk.answers.yahoo.com/question/index?qid=20071230000051KK01630