關於我家的小倉鼠,,,有幾個問題!!10分

唔知你兩隻鼠係咪一齊住既呢?

(1)小白瘦又有咬人既問題,如果兩隻鼠係一齊住既話,好可能已出現打交or一隻蝦另一隻既情況,鼠鼠本是獨居動物,建議你將佢地分開,唔係好易打傷or打死,就算冇打,一齊住都好易令鼠鼠感到壓力同受驚,鼠鼠受驚有機會誘發肚瀉,甩毛等疾病

鼠鼠咬人仲有以下既可能:
1.鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間吧
既然佢驚你你就唔好太強迫佢俾你摸or抱之類住.去沖涼都困難既話,就用物品幫手,好似用食物盆運佢去or用野食引佢去沖,不過小心d唔好趺親鼠鼠呀

養耐左都同鼠鼠唔熟,都可以試下再同鼠鼠熟返:
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

2.鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠.

3.有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人

4.太餓,唔夠野食就會亂咁咬,搵野食,可以一次放多D食物落去,等鼠鼠有較多既安全感,但留意食物唔會變壞先可以

5.你手有食物既氣味,鼠鼠有機會會誤以為係食物而咬落去

6.牙痕
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦
專整俾鼠鼠咬既磨牙石or木係針對鼠鼠磨牙問題而設,所以我覺得係比較好既.都可以買鹽璣OR較硬既食物棒(一支木,外面有食物包住)俾鼠鼠咬

7.懷孕既鼠都會特別精神緊張,從而成日咬人

(2)鼠鼠喜歡用排泄物去表示地方係屬於佢既,所以接觸到沖涼沙既時候就在上面排泄並唔出奇,亦有可能係換左地方(唔係平日既籠),感到緊張都會排泄
可以第一次加沖涼粉既時候俾佢尿左,之後再用另一d新既同鼠鼠沖涼

(3)籠係通風式,好多鼠鼠都會咬籠,但唔好由佢,一來咬甩d油食落肚唔好,二來咬得多好易令鼠鼠鼻下同咀下甩毛甚至損,而且都幾嘈下

教鼠鼠唔好咬籠既方法:
一.首先要同隻鼠鼠熟既先,唔熟好難教得識
鼠鼠買返唻既初時,頭兩日唔好打擾佢,再試下以下方法:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

二.我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次

咬籠其實係因為鼠鼠牙痕
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野

你可以買d磨牙石俾鼠鼠磨牙,如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬

鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制 同專俾鼠鼠用既磨牙用品係最好既

不過好多時有磨牙石都會有咬籠問題,但有野磨多個選擇都會好d,對鼠鼠都會好d呢

2007-12-30 20:51:01 補充：
希望網友y5678jc可尊重一下,唔好copy我既回答,我所有回答除提供必要既官方資料外,都係自己親自打出唻,希望大家都可以尊重原創,謝!睇到有網友話俾蔬果俾鼠鼠食,其實我覺得就最好唔好,因為易令鼠鼠有機會肚瀉,如果想補充營養,可以考慮俾麥片or白麵包俾鼠鼠食,唔好俾蔬菜既詳細原因,可參考以下我回答既知識:http://hk.knowledge.yahoo.com/question/?qid=7007121504212而沖涼粉同廁所沙就一定要用唔同既沙,唔可以長放沖涼粉在籠內,鼠鼠沖太多次涼會令抵抗力下降,反而易甩毛既

2007-12-31 17:25:48 補充：
其實我以前都係一籠兩鼠,我既經驗係100%打,差在打多打少or打死,大多數初時都唔會打,日子耐左,鼠鼠既地盆意識愈唻愈強先開始打,甚至試過到鼠鼠年老先唻打死印象最深刻就係以前有兩兄弟,會痴埋一齊訓,會互相清潔身體,但最後,我外出一陣,就打到一隻頭甩左,一隻腸都出埋唻

2007-12-31 17:25:59 補充：
雖然唔可以話放埋一齊100%會打,但就算有50%,我自己覺得都唔值得用鼠鼠既身體去博,所以希望你可以考慮一下分籠,詳細原因可參考以下我回答既知識:http://hk.knowledge.yahoo.com/question/?qid=7007120303602都要考慮,就算冇打交都有機會感到壓力而出現咬人問題,又或正文講既野都唔好忽視手紅左係指佢爬籠既時候整到手?而家仲有冇事?行路有冇問題?仲有事既話就要睇醫生處理教鼠鼠唔好爬籠都可以用返教鼠鼠唔好咬籠既方法

(1) 2隻之前都唔咬人的,,但現在 小白 瘋狂追著我們的手來咬-口-"";怎麼辦??好想抱佢,,但被咬好痛/~\"會唔會因為個籠太臭??冇得食野??太凍??點算~v~?
但 小灰 不會的!!
答：一男一女，小白有機會有ＢＢ，就黎做人媽咪當然會咬人，佢要保護ＢＢ。
暫時最好唔好理佢住，過多一排如果佢真係冇ＢＢ既出現再算吧！

(2) 他們每次都在那些用來洗澡的沙上面尿尿.......= =怎麼了??
答：冇事的，洗澡的沙最好用完一次就換。

(3) 他們常常都咬籠邊"咬到有點油漆都脫下了=口=|||他們想破籠而出!!??怎樣才可令他們不再咬0.0?
答：鐵籠既話，佢地唔會破籠而出，膠籠既難講，
鼠鼠會牙痕，最好買一舊磨牙石俾佢地，
但有ｄ鼠鼠唔會用磨牙石磨牙，佢地唔用其實都冇辨法。
不過如果係我，我會喝佢地，叫佢地唔好再咬，
或者俾ｄ食物佢地引開佢地^^

( 1 ) 如果之前都唔咬人, 但現在會,

應該有可能有 BB,

(maybe 食太多瓜籽, 最好食少D)

你話小白比較瘦, 小心D,

食D有營養的食物 (生果,蔬菜)

個籠太臭, 他們都會唔高興ga,

要保持清潔~

( 2 ) 試下買去尿尿的沙,

同洗澡的沙分開

再唔得,

你自己幫他們洗澡, 輕輕用沙擦

( 3 ) 咬籠邊, 正常 ga,

但是最好唔好,

買磨牙石給他們,

如果他們唔識用,

最好買塑膠製的籠




Hope this is useful for you~ Thx for reading~

Good health to your hamsters~

小白瘦又有咬人既問題,如果兩隻鼠係一齊住既話,好可能已出現打交or一隻蝦另一隻既情況,鼠鼠本是獨居動物,建議你將佢地分開,唔係好易打傷or打死,就算冇打,一齊住都好易令鼠鼠感到壓力同受驚,鼠鼠受驚有機會誘發肚瀉,甩毛等疾病

你好!我之前都有養過倉鼠呀~!!!但我講GE唔知係咪真正GE答案囉,你可以參考一下~!!

(1)你睇一下你隻小白個肚仔有無大到,倉鼠2隻放埋一好易會有BB呀,如果佢一有左BB就 凶呀啦~~~最好就分開2隻男同女....唔係GE話佢都會咬傷埋小灰呀啦~~....不過佢唔係有BB GE話我就唔知點解呀啦(>.<)~!

(2)我每次同佢地洗白白佢地都係會呵尿尿係D洗身粉上面呀,仲會把自己隻手仔揉返口裏面D野出黎~~~我唸應該唔怕GE~!!!

(3)倉鼠咬籠邊係好常見呀,佢地D牙仔會長呀~~~你可以買一D磨牙石比佢地咬呀....佢地自己識咬石呀啦....