異性常約你的男/女朋友單獨出街，你會怎樣？

你會表現大方，或是不讓他去？...又不會表現得太小氣?
首先, 我的觀念與信念是:
(1)給他空間與異性單獨出街, 不是我大方(不要覺得是勉強自己才這樣做的), 而是我由衷的尊重他, 信任他, 信任我們之間的感情是穩固的
或
(2)告訴他我不想他與那位異性經常單獨出街, 也不是我小氣(不用覺得自己唔o岩的), 而是我著緊他, 著緊我們的感情
如果你能先調整一下自己的諗法, 在處理這感情事上就可以從容一點, 不會表現失措或覺得內疚了。
還有"經常"這個詞語最可圈可點, 是問題的癥結呀, 經常到甚麼地步呢? 是幾個月一次, 還是一星期幾次呢? 這是你要考慮選擇尊重與信任他, 還是坦誠跟他說你不想他與那一位異性經常出街的尺度呀.
說說我自己的經驗吧.
我的男友現在的老公, 也算是高大威猛, 加上說話不沈悶, 對朋友細心, 所以不時他會話我知, 有異性對他有好感。既然他同得我講, 就是他相信我不會亂發砲, 想同我講下的, 所以我不會扮大方唔追問, 我會乘機追問他多一點, 那個怎樣怎樣, 他怎知道她對他有意思之類啦, 通常他都會講得唔清唔楚的, 你唔需要為咁而唔開心, 總之他會答你, 他總之感覺到之類啦. 有時我會問佢, 如果那個人直接向佢表白, 佢會點呀. 這時他可能唔知點答你, 通常都會好簡短咁答你, "痴線啦". 我會唔放過呢d 機會, 同佢講, 我都好愛佢嫁. 係就係肉麻d, 但我覺得一個人就算有了女友, 有了老婆, 當知道有其他人對自己有好感而產生一絲絲幻想, 一d都唔出奇的, 人的感情就好似水咁, 你一味阻檔住冇地方俾佢洩洪是唔得的, 重點是你如何將他澎湃的感情,流番入你度呀. 把他拉回現實, 知道他身邊的這個你, 才是最真實的, 對他最好的, 這才是重點.
這些對他有好感的異性, 也會約他單獨食飯, 或行街買野咁. 禮貌上他偶然(不是下下一星期幾次啦)應約, 我會理解他, 我是真心的尊重他決定赴這些約的決定的。而且, 他不是背住你同那個人有私下活動, 佢已話俾你知佢地有呢d單獨活動, 也是對你的一種尊重. 通常完左呢d單獨約會, 就算佢唔提, 我都會八下佢地傾左d乜, 氣氛點之類, 如果問他時他唔想講, 就問少兩句. 我的經驗是, 你問他時就算他即時唔想講, 無乜答你, 但因為我著緊問過佢, 隔一輪, 他又會自動提起話多d 俾我知的(我唔知第二d 男士係咪咁, 但我老公就係咁的)。
而我自己就覺得, 借d意跟埋去是最下下策的, 這樣做就真的表現得自己小氣及不信任他了。舉例說, 如果他們的單獨活動, 也是你真心想去的, 例如let's said他們約埋係去行工展會咁啦, 如果我又好想去的, 我會提議, 你地幾時幾時行完, 不如過兩日你都陪我行多次丫, 我都好想去睇呀. 他如果願意陪你行多次, 證明佢都好愛你啦, 咁你地一齊去時, 就要對他盡量甜蜜d啦, 因為你要記著, 係XXX呢個場合的記憶中, 他有同她的片段, 也有同你的片段, 如何令你與他的片段是最甜蜜的, 是十分重要的。但其實通常男的怕煩, 陪完呢個去又要陪第二個去會覺得煩, 他可能會(1)提議你一齊去, 咁你就問下佢, 方唔方便嫁, 會唔會阻住你地有野要傾呀? IF他ok, 你就可以大大方方一齊去, 讓那個異性知道你的存在. (2)他亦好可能會拒絕你(因為他已應承了對方先, 拒絕你是正常的, 不要嬲), 那麼你告訴他, 唔緊要啦, 咁我搵xx(某個女性朋友)陪我去啦.(這樣微妙地變了是他欠你了, 你可以嗲下佢叫佢陪你第二樣o羅)

又let's said如果他們經常的單獨約會是釣魚咁啦, 而他知道你一向都唔喜歡的, 你就更加唔好突然話自己想join 埋啦.
有甚麽方法令他不去但又不會表現得太小氣?
如果你想減少佢同那個異性經常單獨做他們二人的共同興趣, 你可以找一次問他, 其實你地呢個活動有冇其他男性朋友都有興趣一齊參加嫁, 直接讓他知道你唔想他與異性經常單獨活動. 記著, 希望伴侶不要與異性經常單獨活動的要求是合理的, 不是小氣. 如果他們經常單獨活動, 你唔緊張, 反而是你唔著緊這段感情. 只要你問的時候態度真誠, 不是亂發脾氣的, 他愛你, 也應顧及你的感受。
總之, 感情事, 貴乎溝通與尊重. 一味擺哂係心裡面, 唔同佢溝通, 怕佢覺得你小氣就唔講佢知你o既感受, 問題只會愈來愈深的. 另一方面, 如果不信任與尊重對方, 太多的猜疑, 亦遲早會爆煲。
我記得我成日問我老公佢鐘意我d乜, 他通常都亂答一通唔知up乜的, 但我記得佢有次同我講, 話覺得同我相處很舒服.我諗就是指同我相處時無壓力吧.
希望幫到你啦.

我會問下佢地去邊度呀, 有D咩事呀咁. 例如係 : 佢唔開心想你男/女朋友傾下. 咁我會乘機話, 大家都係男性/女性, 不如等我同佢傾下丫? 又例如 : 普通朋友傾下. 咁仲更加大條道理跟埋佢一齊出.
跟埋佢出去嘅好處係, 你會知道對方係個咩人, 你仲可以睇到佢相處時嘅態度, 正所謂知己知彼丫嗎.
要留意你男/女朋友嘅反應, 如果佢多多籍口又呢又路唔想你跟, 咁你要小心啦. 如果佢都大大方方同你出去見佢, 咁你可以暫時放心.
如果你都係覺得唔開心, 咁你咪開心見城同佢講你嘅感受囉.

你係我,我可能覺得係沒咩問題嘅
但係...
如果係咁...
咁我覺得你應該同佢講:
次次都係我同你可唔可以叫多幾個人一齊姐??
不如搵多幾個人一齊去可能會開心D咖 ! ! - -
我會咁樣答

你阻止是無用的,她/他有心出去識第二個,你是無任何方法阻止的.
而且男未婚女未嫁都仲可以再選過另一個.就算結了婚都可以再選過另一個啦.
你可以做的是一是跟她/他一起去;一是不准許她/他去,但你首先要肯定她/他會聽你的說話做才可以.
與其阻止,不如放開心情,大方一點讓她/他去約會吧,是你的不會走了去,不是你的,鎖住都可以走了去.

如果你真係驚的話，最好的方法就係，你跟埋男/女朋友一起去，做電燈膽。
還有，你同你的男/女朋友的感情係相當好的，係無辦法將你地分開架。
做人要大方d。