我想問下馬會電話投注助理係做d乜野同答d乜家?thx

份工根本就係接受電話投注的接線生
即係d賭仔打電話投注, 你要幫佢地落注囉..... 唔識賭馬, 無所謂, 個電腦program 已經set好晒d program 及caculation, d賭仔亦唔會問你有關賽馬貼士或者馬匹等資料, 你所講, 佢地熟過你, 你跟佢地指示買, 和入機就得..... training主要都係教你呢d..
我有幾個朋友都係咁做, 佢地到依都唔識賭馬, 只知有獨羸, 過關等投注術語, 即使計派彩等都有電腦做....
其實做每樣工作都有唔同的知識和技巧等, 都要去學架啦.... 而且落注如果唔小心, 都幾大件事, 如打少個零或者打多個零咁囉.... 做嘢係咁啦, 份份工都有其難度同要求架啦... 打字妹都係錯度做咯.. 又唔係要求要打字速度... 咁呢d都係學番嚟練番嚟..
如果你受訓完成之後都唔可以操控電腦program做晒計算的工作, 馬會都唔會比你聽電話同客仔落注啦... 係你犯錯, 佢地都要賠架... 同时你接電話時, 有supervisor 係度, 有問題可以transfer比佢... 當然所有電話對話都有錄音啦...