應該睇眼科醫生/視光師?

我認為你應該直接睇眼科醫生。
因為對眼比副con重要；眼科醫生可以會幫你找出對眼唔舒服的真正原因(你估係發炎啫，萬一唔係，佢都可以幫你搵出真正原因)，而且佢可以開藥醫你隻眼亦可順便睇埋你副con(因你懷疑副con令你對眼唔舒服)，醫生都識睇con的呢。
但若然你搵視光師，佢睇你副con多過睇你對眼。若果真係眼發炎，佢可能都可以開眼藥水給你(我都試過)。不過，倘若萬一唔單只係發炎，佢都係叫你搵返眼科醫生跟進(視光師唔多識睇眼)，咁到時你就兩頭撲、比兩邊錢、時間、車費、驗查....
而一般專科醫生診金大約要五佰元，另加藥費約二佰元，眼科都唔例外，我自己都睇過，度度都差不多。
再分享少少，今天我碰巧睇完一私家醫院的眼專科(在太子道的)，佢地在病人見醫生之前，會安排視光師替你驗驗眼，度度近視、散光、眼壓等。咁就好似一次過見齊視光師和眼科醫生了，是不是很有趣呢？那間醫院收費如下：診金三佰伍；藥：一佰八拾(因人而異，今天我睇眼發炎)；另加一項叫眼科中心費：一佰八拾。今天埋單是七佰一拾。結果同出面又係差不多 ─ 七佰元左右。
隨你去邊度睇吧。

2007-12-29 01:52:19 補充：
因為答案詳盡，所以遲左，sorry。有一點想補充的，不要做walk-in patient。就算你第一次幫襯，上去之前都要打電話預約先，make sure個醫生有時間至好去。因為有d醫生忙起上，來有appointment也要等好耐，walk-in的就更加冇保障，到時仲慘過輪街症就唔好了。我講今日那一間，我都係第一次幫襯(因睇開的醫生放了假)，都係臨時打電話去問清楚醫生有時間，差不多即約即去，去到等一陣就有得睇了。

2007-12-30 19:08:13 補充：
如果去政府排期,一般最少都要排幾個月,到時隻眼恐怕已經好返或者惡化了. 既然如此,不如雙管齊下,一邊去私家睇左先,同一時間又去政府排期.咁就眼同錢都同時兼顧吧.

一定係睇醫生！視光師只係做驗眼．
香港盲人輔導會 ，有眼專科睇，比較平，可以打去問同排期．

香港盲人輔導會 · 香港九龍深水埗南昌街248號
電話: (852) 2778 8332 · 傳真: (852) 2788 0040 · 電郵: [email protected]
http://www.hksb.org.hk/Chinese/eye.html

我覺得可以先睇普通科醫生, 若有需要會轉介你去睇眼科~~~

眼科醫生係診治眼科疾病,
但醫生一定懂驗眼

視光師係驗眼同度鏡片度數,
但視光師唔可以診治你的眼疾

所以你應該想想你是對contact lens 唔岩度數
抑或是你眼睛有不適, 需要醫治,

如果你右眼之前痛過, 有否找醫生診治過 ?
因為戴contact lens後痛, 最大可能係眼角膜有問題
如果無正式給醫生診治過, 有機會眼角膜受損而導致視力下降,
就算戴contact lens 亦無法改善,

但你右眼是 (新) 配過對contact lens,
除非度數唔岩, 否則唔會睇到矇,


如果政府眼科專科, 新症收 $100 (需註冊西醫轉介信, 及需輪候)
如果私人執業則需最少 $400 或 以上
註冊視光師不能替你檢查隻眼有無界親或發炎

眼科醫生，旺角中心有很多可walk-in 但要預等好耐 每次約$500

應該去見doctor

眼科醫生...一千掛