GPS MAP KING 行車時所發生的問題

大家用GPS MAP KING行車時使用上有否發生問題? 如有, 請POST出來跟大家分享一下, 或者其他人都可以提供解決方法,
以下就係我用GPS MAP KING時所遇見的問題, 大家有解決方法都歡迎POST 出來.

1) GPS 定自己位置唔準, 例如由西環出北角, 行緊干諾道中近信德天橋面, GPS 可以話我身處皇后大道中.

2) 規劃條路線出來, 途中要我行D不准進入的街道或叫我o係條大街道(例如英皇道) U Turn.

3) 行行下突然唔教路,但係GPS 接收正常.

4) 路口轉彎方向指示唔清淅, 例如有些路口要先轉左再行一陣後見下一個路口要轉右然後再轉左, 但去到第一個路口時已經
即刻一鑊過急急叫你轉左轉右再轉左, 搞到你停左o係路口一陣,都唔知轉左定轉右, 我覺得呢個問題最嚴重,
分分鍾造成交通意外.

總括o黎講GPS MAP KING如果無以上問題都幾好用,所以希望大家可以嚐試提供解決方法或POST 多D
會遇見的問題令所有用家更有效率地使用這程式.