我想佩隱形眼鏡...

1)係。散光con價錢會貴d,如果你配長期(即1年)就唔會貴好多,但如果one day的話就貴1倍唔止...
不同類型con的價錢(散光):
長期:可用約1年,$500-900不等
2星期即棄:我自己用開博士倫既2 week,$800半年(4盒12對);其他牌子都係差唔多;1個月的會仲平
每日即棄:只有one day acevue先有出,每對超過$20
2)唔一定要去大公司,因為價錢差好遠。我的意思是不一定要去眼鏡88之類的大店,但你可以選一些集團經營的鋪頭,信譽會較好。最好不要去樓上鋪,不是怕他們硬來,而是怕驗度數不準,呢樣才手尾長。
3)你是第1次配con的??我認為初學者不要配one day鏡片太薄,初學者用上手可能會不順手,比較難帶同難除。同埋one day散光實在太貴...唔值。更加唔好用長con,因為第1,你未必好識清潔個con。如果長期隻con都係洗得唔乾淨的話,隻眼會好易發炎同有事...咁就得不償失啦。第2,初帶con時,唔知點解隻con係會好易跌出來,又或者係洗con時捽爛左隻con...如果你係用長con的話,帶得果3個月又要配過副新的話,反而仲貴。
我自己就覺得2 weeks最好囉...不會太貴,而且衛生。博士倫真係唔錯,因為佢的含水量高,不會乾。你可以試一試。
4)你不是成日用???咁你可以考慮埋長con,因為少左跌con/爛con的風險...同埋你只要捽得乾淨d,浸con浸耐d...咁就不會不衛生了。總之不要配one day...你的情況2 weeks同長con都ok。
5)眼藥水係你覺得乾果時先用的。你不是成日帶,應該對眼唔會好乾,所以我認為你冇必要買1支專for contact lens的眼藥水,同埋眼藥水一般只可用最多3個月,如果唔係會有菌,所以你唔好買大支的眼藥水。當然,如果你驚果日帶con的時間會好長,對眼可能會乾的話,你可以買好細支果d人工淚液...好似「淚然」人工淚液咁...大約$15有4小支...每支只可用24小時...你必要時才開1支,咁就唔驚有菌啦。:)
6)多功能藥水,我個人complete,renu(博士倫)同埋opti free都用過。3種都好似各有所長,complete最潤最唔乾但係唔乾淨;renu最乾淨,但係乾。我自己就覺得opti free(綠色樽)最好用,因為最平均。

有散光的隱形眼鏡一定會比較貴,,
當然, 如果你散光不是太深的話都可以不配散光的..

我建議你是去一些比較大的公司去配, 因為有保障呢~~

我自己鐘意用 ACUVUE....

如果, 你不是常常戴..
我反建議你買每日即棄, 因為比較方便,,,,
舉例: 如果你買為期一年的隱形眼鏡,,,
如果你今日出街戴完, 回家之後把它清洗乾淨..
之後過幾日才戴, 你一定要在戴之前四個小時再洗多一次,,,
之後, 你才可以戴上...

眼藥水真的不知道哪一款比較好,,,
其實滴眼藥水是因為眼睛太乾...

其實, 每種生理鹽水都是一樣的~~
我自己前就用 Complete,,,,
我現在轉戴每日即棄的隱形眼鏡, 因為我覺得洗鏡片的步驟實在太麻煩了...