atm轉賬問題

根據香法例第210章<盜竊罪條例>第2條: 如任何人不誠實地挪佔屬於另一人的財產, 意圖永久地剝奪該另一人的財產, 即屬犯盜竊罪.
銀行處理轉錯數嘅程序, 係要聯絡戶口持有人(即係你), 得到你簽名同意, 先可以轉番d錢俾佢. 銀行會致電你, 請你落分行簽名, 又或者寄信俾你, 叫你簽名後寄回. 銀行係唔可以在未得你簽名同意前轉番d錢俾佢.
如果你在未知道有錢入錯咗入你戶口, 咁你唔作出反應就無可厚非. 但係而家事主同銀行都通知咗你有錢入錯咗入你戶口, 如果你唔簽名, 就即係唔肯交還d $, 又或如果你用咗d錢, 咁就中咗 "不誠實地挪佔屬於另一人的財產", 即係犯咗盜竊罪.
你係唔可以話 "atm是他自己過, 給就人情, 不給是道理" 的. 佢轉錯數係佢犯錯, 但唔代表你可挪佔佢d錢. 舉例說, 你在街上見到個女人無着衫, 係唔係代表你可以強姦佢?
你話: "朋友說如果想玩那人祗要把錢放在銀行不動就沒問題", 亦係錯的. 就算你把錢放在銀行不動, 但你唔還番俾佢, 你亦中咗條例中 "永久地剝奪該另一人的財產", 即係犯咗盜竊罪.
你怕係有人冒認銀行職員呃你, 可要求對方留低姓名及銀行總機電話. 收線再打番去銀行總機揾果個人. 然後要求落分行做手續, 在分行即時確認戶口多咗錢先簽名.
你唔好為啖氣拖佢嘞! 銀行如果報警, 你入硬罪. 到時就算你肯俾番錢佢, 警察都照樣會告你. 無謂嗱屎上身! 一個唔好彩, 整個刑事紀錄就死得啦!

你可以選擇唔過返俾佢,
不過人地講明會報警,
差人100%會上門 or 上你公司搵你
到時煩到邊個既, 你就自己衡量喇~

另一點就係, 你check 唔check 戶口紀錄,
以及你打唔打簿, 都唔係你可以脫罪既理據,
最重要既係筆錢入左你戶口,
即使你話自己唔打簿而唔知有錢入左,
都係一樣有罪.

而家人地開左一條庭外和解方案俾你,
你要唔要可以自己決定,
但係如果人地報左警而且堅決要起訴你,
到時你想過返錢俾人地解決,
人地都可以唔接受,
到時就要俾個法官判了

2007-12-28 18:05:46 補充：
補充一點,如果銀行打得俾你 (先假設唔俾冒認銀行職員打俾你)銀行就一定有過數 record,即係已經有一個有力既證據

2007-12-28 18:15:37 補充：
如果要過返錢俾人, 可以聯絡返銀行,OR先前同你聯絡既職員, 佢地會幫你地雙方DEAL~

你先去自己去ａｔｍ　ｃｈｅｃｋ左先～
如果你銀行真係有多左２千蚊而又可以用得既，你咪比番佢
但如果佢你見銀行個度係有多２千蚊，但係佢話你知餘額係冇多２千既～咁佢即係入票比你啦～咁既話，我提意你打９９９～因為可能佢想呃你錢～