你支持還是反對停車熄匙?你有什麼看法?有什麼建議?

我讚成停車熄匙, 當然唔係講緊停紅綠燈呀, 巴士上落客都要熄匙啦, 如果指引係話一般私家車係合法地方停低車 (可能超過10秒呀) 等人, 落貨呢d我就覺得絕對應該熄匙, 就算夏天都係咁話, 因為只要大家都做得到, 街上無咁多廢氣, 空氣自然清新d啦, 咁第時自然唔會咁熱啦; 的士排隊等客都應該熄匙, 我諗只要客人上車之後, 開車前先落錶就唔會有客人投訴啦; 小巴司機都應該要熄匙等客丫, 話就話等齊人先開車既時候, 個d等待中既客人都需要涼冷氣, 但係一架小巴等客一般都應該有個時間限制丫, 我覺得如果只係等比如15分鐘的話, 涼小一陣唔係大問題丫, 或者可以指引就係如果一架小巴已經有超過一半客人上左車喇, 咁先可以開冷氣囉, 咁都可以延後一點開引擎既時間丫, 我覺得只要每人做多一步, 等多一秒, 地球既污染一地可以再少一點架!

反對,作用不大.
看看政府的宣傳片,誇張,誤導公眾.就如由詹瑞文所演的反吸煙廣告一樣浮誇.
兩電的廢氣排放,空調巴士及各式車輛,各家各户的空調,全港食肆的油煙排放,珠三角所飄來的廢氣,屏風樓等等都比停車熄匙來得嚴重.
這是繁榮發展必然待價.看今天中國大陸為了經濟繁榮所造成的環境污染,能源過度虛耗,
若大國不能 切實執行環境保護,看的只是眼前風光,做的是表面功夫,我們小市民又可以怎樣?