你當我什麼 ge歌詞係講咩??

《你當我什麼》顧名思義就係問人地自己o係佢心入面有咩地位
成首歌可以話係一個男仔訴說佢gei愛情故事....
個男仔對一個女仔好好,但係個女仔一d都唔珍惜
o係女仔心目中,男仔根本一d都唔重要
-----------------------------------------------------( 分隔線 )---------------------------------------------------------
第一段
『傻瓜 真的太多 不過
誰能及我 你所以照舊煩擾我
隨便 一聲便可 可殺掉我
失意才會找我 但也心知不妥』

可以見到個女仔只有需要人安慰gei時候先會搵個男仔....
即係個男仔覺得自己係「水泡」
-----------------------------------------------------( 分隔線 )---------------------------------------------------------
第二段
『明知 應該說不 不過
明知出錯 我怎拒絕繼續再出錯
其實我撫心 從沒有被人愛惜過
Woo oh 還在怕甚麼 Woo Woo』

呢一段主要係話男仔知道自己根本冇機會
佢曾經有懷疑過應唔應該繼續對個女仔好
但始終感情戰勝左理性,令男仔繼續為女仔付出
-----------------------------------------------------( 分隔線 )---------------------------------------------------------
第三段
『你今天當我甚麼 一瞬要來到的我
被差遣得很多 得到不多 連騙都不騙我
你即管當我甚麼 相差都不多
如稀罕我 卻直行直過 不正眼望我』

呢段入面男仔開始覺得自己付出gei所有野都係白費
就算付出左幾多,做得幾好,女仔都唔會欣賞
-----------------------------------------------------( 分隔線 )---------------------------------------------------------
第四段
『男人 這種算好 不過
曾解釋過 我不夠壞 你才移開我
來做個騙子 迷惑你完全可擊破
Woo oh 來導我入魔 Woo Woo』

呢一段係個男仔自嘲唔識用甜言蜜語呃個女仔
就算自己係好,個女仔都唔會感覺得到
反而得把口gei男仔仲得女仔鐘意
於是男仔就話想變成壞人,令女仔鐘意佢
-----------------------------------------------------( 分隔線 )---------------------------------------------------------
第五段
『你今天當我甚麼 一瞬要來到的我
被差遣得很多 得到不多 連騙都不騙我
你喜歡當我甚麼 都相當坎坷
殘忍的你 卻迷魂著我 總愛你甚麼』

呢段就話個男仔知道自己對女仔黎講唔重要
但佢始終放唔低對女仔gei感覺
-----------------------------------------------------( 分隔線 )---------------------------------------------------------
第六段
『想過 如電話響 我也盡量閃躲
想過 留下這一切 去異地奔波
不想回頭 但誰叫我 沉迷下去 放不低 笑著惹禍』

尾二呢段,個男仔諗過放棄,但情不自禁鐘個頭埋去
-----------------------------------------------------( 分隔線 )---------------------------------------------------------
最後一段
『你今天當我甚麼 一瞬要來到的我
我付出很多 得到不多 卻不敢錯過
你即管當我甚麼 伸手不需拖
其實說謊也可 試問誰沒錯 不要理後果
我就捱下去 Please Don't Let Go 』

總結成首歌,就算女仔依然無動於衷,男仔仍然堅持對女仔好
希望有一日女仔會對佢動情,就算明知冇呢一日,男仔都想盡力嘗試
-----------------------------------------------------( 分隔線 )---------------------------------------------------------
你特別問gei三句:
1."被差遣得很多 得到不多 連騙都不騙我"

『被差遣得很多』
即係男仔為個女仔做左好多野,女仔想佢點佢就點

『得到不多』
男仔仍然未能得到女仔gei愛

『連騙都不騙我』
女仔冇理男仔感受,講d客套說話婉拒自己愛意
直接表明對佢一d意思都冇
呢種做法亦都代表個女仔對佢一d溫柔都冇
明知會傷害到佢都依然咁做,可以話係就算冇得做朋友都冇所謂
更加突顯出男仔o係女仔心目中真係一d地位都冇
-----------------------------------------------------( 分隔線 )---------------------------------------------------------
2.'曾解釋過 我不夠壞 你才移開我
來做個騙子 迷惑你完全可擊破'

『曾解釋過 我不夠壞 你才移開我』
即係女仔曾經表示男仔雖然對自己好,但佢唔係女仔鐘意gei類型
佢付出gei野並唔係女仔想要gei野(女仔想要gei係浪漫)
而男仔認為浪漫只係用甜言蜜語堆砌gei謊言,不切實際
「壞」係指d甜言蜜語( 大話 )

『來做個騙子 迷惑你完全可擊破』
即係男仔希望可以「學」浪漫,做一個浪漫情人
令女仔鐘意自己
-----------------------------------------------------( 分隔線 )---------------------------------------------------------
3.'你即管當我甚麼 伸手不需拖
其實說謊也可 試問誰沒錯 不要理後果'

『你即管當我甚麼 伸手不需拖 其實說謊也可』
男仔只係希望可以做女仔gei男朋友
就算女仔唔愛佢都好,都想做女仔gei男朋友

『試問誰沒錯 不要理後果』
呢句野男仔同女仔講gei同時亦都係同自己講

同個女仔講gei意思就係
「總之你受溝先la,話唔定你遲d會鐘意我呢?
就算唔愛我,我都會對你好好,令你幸福」

同自己講就係
「就算冇結果,都唔要放棄,受傷害亦都在所不計
即使追唔到,我都盡過力去爭取」