✔ 最佳答案
下一步當然係先搵銀行估價啦, 反正估價係免費的, 如果估唔足你仲要預多一筆錢墊底, 先落訂咪失預算?! 銀行的一按最多都係借估價(不一定等於賣價)的7成, 而每月還款不多月入息50%。 如果想借9成半就要搵二按(或者保險按揭)借埋餘下的2成半, 但咁樣月供金額就唔可以多過入息25% (不過當然間間銀行唔同啦, 你要自己check下) 。 另外要注意9成半按揭批核時間會較7成按揭長大概2-3星期, 律師樓做契都要做2份 (即係收2份錢)。 成交時間有可能因為咁要拖長, 要先同賣家講好, 唔係到時貸款批唔出會被賣家殺訂, 好慘!!
落細訂可先落幾萬, 視乎自己能力同埋業主撻訂能力, 你知依家樓市好旺, 聽聞好多業主反價! 大訂通常係賣價的1成, 扣左先前落細訂的幾萬銀, 大訂尾數就要在2星期內去律師樓簽買賣合約時俾埋。 所以就算你問銀行借9成半, 你都要預一筆錢交大訂同埋律師費、雜費等等….
我都剛剛買左樓, 唔同銀行估價可以相差廿萬! 我借7成, 銀行3日就批左出來, 超快!
去呢D網站睇下啦, 好有用呀:
http://www.gohome.com.hk/information/part_1/page_01.asp
http://www.gohome.com.hk/mortgage/calculator/calculator.asp