快啲入入入................................俾啲意見

我明白很多司機為供車和養家壓力很大，往往很就D客，我相信你老公都一樣。如果嗰客做開貴價貨，出得起錢而又經常有柯打的話，有邊嗰唔會睇錢份上盡量就佢。出嚟揾食吖，除非轉行打份月薪工喇。你老公帶埋两個女一齊出去做雖然唔好，小朋友年紀太細，很容易有意外，但我相信佢都唔想，一來要揾食，二來又要盡做人老豆的責任，所以才有這樣安排。你應吸取這次教訓，揾定親朋戚友，下次可以揾人幫手照料两個女。两公婆要多D傾，明白對方的想法才可以細水長流做人世。至於你老公同嗰客的關係，不要胡思亂想了，你比佢年輕15年，要對自己有信心，亦要相信你老公，胡亂猜測只會做成不必要的隔膜。

我直情覺得係你有問題囉！

我以返我都係van仔佬既角度同你解釋下。

你知唔知，而家呢行要搵一個一星期四五日有貨出既客係幾咁難既事，或者，我估你可能唔洗返工，你唔知搵食有幾難。你有事要出去，佢答應幫你睇住兩個女，但你要明白，客人既野，好多時真係要隨傳隨到，你試下多三幾次話唔得閒做唔倒丫！你估個客仲搵唔搵你！？佢帶埋兩個女去開工，無非係想搵多D，佢肯咁樣為頭家你仲想點！？你估大人大姐帶住兩個女去開工好好睇呀！？我以前都試過帶住個仔去開工，真係唔好受架！另外，如果佢為錢做野咁都叫瘋？咁你呢D咪叫痴！？佢揸車送貨唔為錢，唔通為興趣呀！？仲有呀！有時候，如果你老公無時間做，個客緊係要你老公幫佢搵埋車啦！叫得個客自己叫車，第一，佢洗乜次次都一定要叫你老公先呀！？求其搵個得啦！第二，果個客叫得做自己客，咁緊係叫返自己人做返啦！唔通搵外人做呀！？自己D朋友都有可能搶自己D客啦！更何況搵外人做，外人話搶你咪搶你囉！洗乜同你老公客氣呀！即使搶唔倒，搶低晒D價都無謂啦！而且你老公個客D貨係電子野，貴起上黎，一件好似鞋盒咁上下大既貨可以值成一百幾十萬，如果你覺得我講得太誇張，咁我以話你知你好井底蛙囉！有時，有D客人會將D貨個價值同個運輸講，可能要個運輸區分貨款或比個運輸知道件貨既貴重性，從而使個運輸運送時小心D，你可能認為件貨值幾錢關你义事咩！？緊係唔關你事啦！一個唔該唔見貨或者孭左D咩野鑊果陣，要賠甚至比人告果個係你老公唔係你丫嘛！仲有呀！就正如之前話齋，成日有貨出既客難搵，仲可以每一次個價都高D兼收現金既客就更加難求，好心你做人實際D啦！淨係識得胡思亂想有咩用！？

最後，係呢個世界唔係男人就係女人，如果你連工作上都介意你老公同女人有接觸交往，你倒不如鎖住佢響屋企，而且你都識講，你老公從不去夜街，最夜只係八點就會返屋企，你仲想點？唔好雞蛋裏挑骨頭喇！實際D比D支持佢。

即使你覺得我講得難聽都好，要記住，忠言永遠都係逆耳架！

其實我覺得你老公係有道理架，因為我識得幾個都係揸貨van既朋友，佢地都話生意難做，排台一日都係得果1，2單，d價錢重要好低，都係靠d長期客既單先夠開支，供車，如果有長期客就要靠自己keep住，因為佢地話而家揸貨van搵食競爭好大，好多時都一睇唔緊，就會比d行家搶左d熟客，所以你都要體諒一下佢呀! 其實我都屬於一個小器既女人，我明白你唸咩，不過以你老公既解釋，我覺得佢真係唔似同個女人有野，佢似為左搵錢養家多d，你比d信心自己又比d信心佢啦，女人呷唶係正常，不過唔好唸多左呀!

可能真係你太疑心重啦
我睇落真係唔覺得有咩問題wo,假若個個係你老公個客既話,咁做只係你老公盡責既表現黎
我係睇你老公既對答個陣我都係度諗我發覺如果我有個老婆咁樣黎問我我都係咁答佢架ja
睇女又唔一定要係屋企睇既,佢載貨帶埋兩個女都可以睇住佢架.如果咁講你都覺有問題咁個問題就根本唔係係個地點度而係係你自己度,話要係屋企只係你唔想俾佢去第二度驚佢唔知會做咩會去左第二度,係你自己疑心重.不過咁樣都唔可以怪你因為都只係你太愛你老公啫.
嘗試改改罷

你嬲是正常，因為你非常愛你老公。

你老公一心為個家，不想得失客人; 若你老公同那個女人有不尋常關係 ，你老公會偷偷講電話 ，幾常找直口話要遲返屋企。

你老公有沒有少咗同你( 倆夫妻的事) ，沒有就一定沒事 。

現時你要對你老公溫柔些 ，煲多些湯給他飲 ，這樣才能留住男人的心 。

再繼續吵架只會破壞你倆夫妻的感情。

1) Calm down
2) Pay close attention
3) Is the woman married? If she's single, there may be a possibility that she's interested in your husband
4) Has she paid your husband higher than regular price? Has she called him to work unnecessarily often?
5) Has she called him other than work?

You are not 小器, you are just normal. Be patient but watch closely and carefully.

其實你呷醋都係正常既，不過你都要冷靜d。
你可以留意下你老公有冇唔同左，有冇成日去夜街?
或者你老公真係為左搵多d 錢先去車個女人呢?
佢唔想冇左個熟客吖嘛! 有時都冇辦法，幾唔得閒都要車d 客。
你試稔下 如果o個個客係男人 你仲會唔會咁緊張同嬲呢?
或者你係稔多左呢?
大家工作都咁辛苦，多d 關心對方啦! =)