車用聽歌機頭問題

照睇你部ｊｖｃ九成個雷射頭有事，如果你對音質完全無任何要求，但求有得聽就萛，我個人認為你有三個做法。

1 你可以先買D清潔雷射頭既碟掃下個雷射頭，買D中價既的$40-$50果D，如果唔得，或者你可以直情唔買碟掃雷射頭，你拎去深水步鴨記D車機維修先叫師父拆開部機，人手清潔下個雷射頭，約$100，唔得先叫師父報價換雷射頭，約$400起，視乎機種而定。

2 你可以換部大陸機頭，工能多，可以play DVD，插咭插USB手指，你直頭可以唔洗買翻版ｃｄ，直接下載D歌到SD咭或USB手指，插入部大陸機頭聽，呢類大陸機頭由$500起，一般都有呢D工能，不過，大陸機頭D聲真係好差，壽命短，而且質量非常參差，分分鐘你要換成三四部先完全無問題，仲有記得問裝工點計，如果唔係，換一次計一次的話，你就襟計。

3 最穩陣既做法當然係換返部日本牌子機頭啦！如果唔怕舊款，約$1000都有一部平價單碟機，好少少買部有USB既日本牌子平價單碟機頭，都係千幾，至少聲好D，質量穩定，襟用。

可能個鐳射頭有塵,花咗,或壞咗.睇吓開邊樣.有塵就少問題 $十零廿蚊.頭花或壞就比多啲.