(女)好鐘意一個女老師..咁點...

我係女仔，好鐘意好鐘意一個女老師，日日都好會掛住佢，好想見到佢，好想同佢傾計同生活，日日都會花好多時間諗佢；唉,，我覺得咁樣都有d影響我ge生活，但我真係唔可以唔諗佢呀！！
有時o係學校我都會爭取見佢ge每一刻；如果佢同我打招呼或傾幾句，我會開心好耐，之後的幾個鐘甚至幾日都會成日諗起同佢傾過ge野；如果我見到佢同另一ｄ學生傾計，我會有ｄ妒忌＆唔開心，我唔想有其它人同我分享呢個老師；我有同佢講過幾次話我好鐘意佢，但我唔知佢點諗，唔知佢係覺得我係講下笑定係覺得我真係男女果種鐘意，因為有時覺得佢諗野都好老師化，會諗到好似情況嚴重ｄ咁；我驚佢會覺得好對佢係有問題的喜歡而避開我（我鐘意佢己達頗高的程度）！我知佢多數都會夜晚on msn，所以我日日夜晚都會等佢online，見到佢ｏｎ左會好想同佢傾，佢唔ａｄｄ我我會唔開心，我想ａｄｄ佢但又唔知講咩好；呢排佢冇online（放假）唔知會唔會係避我？
其實我都唔知我對佢係邊種鐘意，我諗應該係正常果隻，呢個老師好好人，好受學生歡迎；我同我d好朋友講話我好鐘意佢，有ｄ就覺得我係同性戀，我唔知我係唔係，但我都好想可以同男仔拍拖！