✔ 最佳答案
你養左佢地幾耐?係唔係用新水養?(水喉水)
如果你成日餵佢地,就要勤換水!(唔係一日換一次啊,但至少一個禮拜一次啦。)
你餵d咩俾佢地食?龜糧?麵包?肉?蔬果(for陸龜)?
佢地係咩龜?陸龜?巴西龜?
佢地唔會餓親,因為,佢地見到食物,無理由要自己挨餓都唔食架。
可能佢地唔鐘意d食物。(不過肚餓就咩都要食架啦。)
要調節餵食時間,同埋唔好餵太多。頂多一日一次。
其實,龜都有性格架,不過冇人咁明顯。
至於一隻成日訓覺,主要有兩個原因:
一. 兒家係冬天,龜屬於爬蟲類,爬蟲類在冬天唔係好活躍,
因為佢地ge血ge溫度會受環境影響。想像下你裡面同外面一樣溫度......
個腦都轉得慢d啦。
二.佢天生懶惰。
如果佢地病左,你可以帶佢地去睇獸醫,
不過我唔建議,因為睇獸醫好貴,小小事都成千銀。
不如去金魚街買d平平地ge藥,如果醫唔好,就買過隻囉。
好在龜來來去去都係果幾種病...大不了就細菌感染。
得閑俾d龜晒下太陽,對佢地個殼有好處架!可以吸收維他命D,又可以殺寄生蟲。
不過唔好晒太耐!(最好d水過背,如果唔係個龜殼會過熱。)
仲有唔好成日用牙刷刷佢地個龜殼,
咁會破壞佢地個龜殼ge保護膜。
祝你d龜仔以後健健康康啦!