我想問下如果我對生物依科有興趣．．．．．

有興趣就go ahead啦.
生物有關既有好多, 最傳統既有動物學, 植物學, 生態學, 解剖學, 病理學, 最新既遺傳學, 分子生物學, 生物化學, 環境學, 實用性高既就醫學, 製藥學, 化驗學, 物理治療, 護理學, 傳染病學, 農作物, 禽畜... 理論性強既仲有人類學.... 唔係間間大學都有齊, 有d又要研究院至有得讀. 每間大學將呢d學科點樣組合成不同既系, 當中分別好大. 同一個系都會執d唔同既課程出來, 往往視乎學生和僱主需求. 唯一方法, 上網去你心儀既大學睇下啦.
總之, 路可以好廣, 能夠從事既行業好多.
入台灣大學困唔困難好難講, 老土d講, 視乎你既能力同目標既大學收生標準, 冇一定. 不過台灣本身都有好多學生升大學既, 就係你既競爭對手. 唔係間間大學都會預留學位比港澳學生, 所以情況可能會好唔同.
至於怕唔怕為左興趣犧牲左出路, 我係咁睇既. 而家距離你大學畢業仲有好多年. 當中社會發生咩變化好難預測, 更唔好計畢業多年後眾多行業既興衰起跌.
1/ 幾年前有個中學生問我意見, 佢既理想係為人師表, 但眼見當時香港殺校情況嚴峻, 好多老師失業, 怕畢業後冇工做. 我當時解釋比佢聽: 年年有學生入學, 年年有老師退休. 空缺一定會有, 今年冇下一年都會有. 多人爭, 咪努力d囉. 係你既理想, 你就肯比心機架啦, 就會有日輪到你架啦. 佢今年入大學, 個市已經好唔同, 教育學院既畢業生出路大為改善, 而家佢仲未有耐畢業啦, 係咪?
2/ 讀個樣又唔一定要做個樣既. 在下有一個老師係唸建築工程出身既. 當佢入學時工程師係好吃香既, 點知初出道時遇上經濟衰退, 諗住教下書, 等下個市. 點知一教就教到退休, 退休時已經做到副校長. 當中唔係冇經過市道好既日子, 有機會轉返做工程師, 但佢未教過書, 都唔知自己鍾意同擅長教書, 結果都唔選擇返去工程界.
3/ 在下都唔係做緊生物有關既工作. 同年畢業既同學, 有人做政務官, 海關關員, 金融, 保險, 教育, 藥行, 行政人員.... 求學時既生物課訓練到我記憶, 分析能力, 眼界, 忍耐力, 資訊掌握, 處理, 撰寫報告等等係每一個工作崗位都用得著既能力[求生本領]. 當勞動市場發生變化, 能夠突圍其實唔係靠專業知識. 有左呢d [求生本領], 以往讀咩科目, 你都可以適者生存. [現今世代, 要搵一份工做到老, 真係絕無僅有架啦.]
---
讀大學揀一科有興趣既, 自然你就會用心讀, 好過讀d你唔喜歡既科目, 起碼4年開心過吖. 當你練成 [求生本領], 咩行業都做得, 唔使擔心.

你可以繼續讀番生物
生物學家、科學家
你肯去就唔困難架啦！！！！