成日話我隻倉鼠...

樓上網友既方法好危險,希望樓上友留意唔好咁做
鼠鼠平日正常係一星期沖一次涼,熱天最多都係一星期兩次,沖太多會令鼠鼠抵抗力下降,反而易甩毛,所以千萬唔好日日同鼠鼠沖涼

A.我覺得其他人睇鼠鼠係咪污糟,未必係睇鼠鼠有冇沖涼,除非你哥哥會拎起隻鼠,唔係佢點會知隻鼠既衛生程度,其他人會睇既應該係個籠同籠既周圍,我養鼠十幾年,我媽接近日日都話我既鼠好污糟,但佢從來都冇掂過我隻鼠,行近d睇都唔會既

所以最緊要打理好鼠籠同鼠籠周圍,多d洗籠同清理下鼠鼠排泄物集中地,多數都會在同一地方排泄,訓覺既地方都會排泄物,因為鼠鼠用排泄物去表示呢個地方係佢既地頭,所以未洗籠都可以打掃一下呢d地方.
千祈唔好以為用左d有香味既木糠or沖涼粉就會冇咁臭,因為d味加埋鼠鼠既排泄物係會好臭既,而且呢類身品可能會令鼠鼠敏感,嚴重既過敏會令鼠鼠死亡
仲有味既話,可以放d檸檬在籠邊,但記緊一定要肯定鼠鼠唔會有機會走先得,唔係俾鼠鼠食到就大件事

B.如果肯定處理好以上問題,你都較中立地睇返個籠係乾淨,你哥哥都咁講既話,就睇下係咩原因先再處理到,同時可以同哥哥講,你有做以上既野

1)要睇返你哥哥係咪唔喜歡鼠,如果係既話,可能就好似我媽咁,點洗都唔夠乾淨,我洗完籠會拖埋地,用埋野消毒地下,我女友都問我係咪有潔癖,但我媽都一樣話個籠好污糟,所以如果你哥哥好似我媽咁唔喜歡隻鼠就較麻煩
如果係咁,而佢本身唔係驚鼠,可以同佢分享一下你同鼠鼠既野,試下令佢喜歡or冇咁唔鍾意,例如會唔會可以你一叫隻鼠,隻鼠識出唻食野?同哥哥講下一d有趣or鼠鼠令你開心既野,應該會有幫助,當然同時都要保持鼠鼠,鼠籠同鼠籠周圍夠衛生啦

2)一個人對人or動物既第一感覺好緊要,諗返會唔會鼠鼠初買返唻時有咩令哥哥唔開心?會唔會鼠鼠咬過哥哥?
係咁就可以教返哥哥轉頭,點可以避免被咬,咁當然你了解晒係咩事先啦

3)睇返你哥哥會唔會呷醋,唔知你同哥哥幾大,你買鼠好似都係十日左右,會唔會呢排掛住隻鼠冇理過哥哥呢?係咁就要改下啦

C.講一D鼠鼠既歷史你知,試下同哥哥講,鼠鼠其實唔同老鼠咁污糟
以前倉鼠係貴族既寵物,因為倉鼠冇傳染病,安全衛生,咁鼠鼠本身點會污糟呢,除非你真係唔多打理啦

其實我好少答呢類問題,怕太長氣,又易有爭議性,但怕真係會日日同鼠鼠沖涼就慘了,希望唔會太煩及幫到你

我覺得你點同佢解釋佢都會覺得你隻倉鼠唔乾淨架啦！
其實你可以唔理佢架喎，最多你幫隻倉鼠沖多幾次涼囉！
頂多一日沖一次姐，咁人都係一日沖一兩次，你幫佢一日沖一次涼咪同人差唔多，
到時你牙哥話隻倉鼠唔乾淨，咁你都可以同佢講你牙哥都唔乾淨囉！

你理得佢，你覺得佢乾淨咪得囉