✔ 最佳答案
如果講距離,就係經蓮花大橋去橫琴,再由橫琴去珠海機場近.
但係講方便(搵車搭),就會係由關閘去拱北,由拱北去珠海機場方便.
最快嘅方法係搭的士,所以巴士就唔講啦,由澳門機場搭的士去到關閘,上車計大約二十分鐘,過關大約行五至十分鐘(未計排隊等查證時間),過關後,由拱北搭的士去珠海機場,大約一個鐘,即係車程大約個半鐘.
由機場搭的士去蓮花口岸,大約十至十五分鐘,坐車過蓮花橋大約三分鐘(等車時間可能要十幾二十分鐘),之後橫琴搭的士去機場,大約五十分鐘.
不過,其實最大關鍵唔係車程幾耐,係有冇車,同埋排隊過關嘅時間比較.
橫琴比較難搵的士,不過過關就快過經拱北好多(因為人少),所以,如果係約定部車響橫琴等,車你去機場,就應該比較快.
外國人持外國護照可以響橫琴過關(不過要簽定中國簽證先得,因為嗰度好似冇得簽落地簽證),至於響拱北過關,澳門關可能要排十幾二十分鐘隊(平時,如果大時大節就會耐D),響大陸關,有可能要排一個鐘或以上隊.