北海道保暖一問

其實-3 至 –15度唔算太凍，不過香港人唔慣。最緊要睇下天氣是否晴天，同樣的溫度，有太陽會暖好多，落雪就涷好多。如果加埋大風就冇眼睇。
既然你己有一件羽絨，就無謂為一次旅行而買過，因為一件好的羽絨都要成千元件的。你先check 下你件羽絨先，如果你件羽絨係香港的冬天都著得到，咁就一定唔夠暖。Check 羽絨的成份高唔高，可以用手壓落去，壓扁佢，然後放手，如果立刻彈返上嚟，同埋壓扁後同埋彈返上嚟的差別好大，你件羽絨就掂，如果唔係，真係要買過件好d。（去時代廣場，好似7樓，有好多呢類舖頭，係外國牌子，真係落雪都得。）
日本室內有暖氣，不能穿羊毛內衣，因為入到室內除唔到，會熱死，焗病就無謂拉。

棉內衣(cotton) 打底，加一件厚少少長袖 T-shirt 或者簿冷衫（唔要樽頸，小樽尚可）就得拉。怕冷就穿冷衫。返而件褸好重要，羽絨已介紹過，其實仲可以在羽絨外加一件gore-tex (希望冇串錯字)的外套，最好長少少，可以遮到少少大腿，防水防風能力是所有布料中最強。落雪都唔怕。有d羽絨的面布係唔防水，落雪會濕。再外加一條頸巾，手套，帽。羽絨連帽最佳。
長褲同鞋都好重要，因為對腳凍就點著都係唔暖。一定唔可以著牛仔褲，因為係凍的地方，牛仔褲會好凍同好梗，頂唔住的。穿棉質厚身少少的長褲。襪要穿兩對，入面個對普通cotton 棉襪就得拉，吸汗用，外面個對最好是及膝的羊毛襪，保暖，入到室內拉低佢，散熱。至於鞋方面，一定要防水的，波鞋可以，因為行雪地，對鞋濕左對腳會好凍。鞋底要揀深坑紋的，因為雪踏了兩三次會變冰，冰好滑。
係行山用品公司有暖包賣，連暖鞋墊都有得賣。到時可以帶個暖壼沖定d熱飮，行完景點上車時飲d熱野個人會暖好多。
呢個方法我用開，-20度都得。
祝旅途愉快。

、我十分同意小鬼的意見,的確經驗之談.

你可以去賣gregory袋個個公司到買嫁
佢d羽絨好鬼輕(超暖,有x氣,就算天氣熱你穿左都唔會好熱)
但係都ok貴.....(有d貴過平時d羽絨)