resident evil 4一問

你玩過生化危機4,應該對整個故事既背景知得一清二楚,D怪物點解要捉女主角你亦都知道(係Leon救出Ashley之後,一條講嘢好串既契弟將原因講俾Leon & Ashley知),不過生化4係在下既咁多個至愛之一,在下亦會樂意去為你詳細咁解釋(已在下既語言去解釋).
簡單啲講句又係美國佬惹既禍.今次生化4既敵人唔再係Umbrella公司果啲T-病毒感染體(喪尸),而係一個叫做Los Illuminados(西班牙語:照亮的道路.勿與Illuminati混淆)既神秘宗教團體,個教主個名好似叫做Osmund Saddler.呢條友用寄生體Las Plagas去控制西班牙某個神秘村莊既村民(果啲話好似係西班牙話,所以在下大膽咁肯定呢條村係西班牙某個村莊;網上資料都係咁講)連村入便果啲動物(好多隻狗&一條大到好離譜,仲可以一啖生吞一個人既大魚)都唔例外.本嚟Leon既任務係救美國總統個女Ashley Graham,點知俾成班村民圍住嚟打,Leon唯有一邊同班村民打游擊一邊去搵Ashley.當Leon係間教堂度救咗Ashley準備松人果陣俾Saddler發現,跟住Saddler就將拒既大計全部講曬俾Leon知:拒捉Ashley番嚟將寄生體Las Plagas植入Ashley體內,跟住將姖送番去姖老豆(美國總統)果度,跟住控制拒然後再控制全美國最後控制全世界.我地既靚仔主角Leon知道咗之後,決定去阻止Saddler既陰謀(典型既個人英雄主意).結果俾Leon呢一粒老鼠屎搞嚄咗Saddler教主成鍋粥,最後仲俾Leon收拒皮.完成任務,佳大歡喜.
如果唔信在下,咁在下俾呢個網址你去證實一下(注:生化危機係臺灣個名係叫做惡靈古堡,因為呢個網係臺灣網):
http://coolbio.myweb.hinet.net
你進入惡靈古堡4個File介紹度就知得一清二楚.