[倉鼠]白鼠和小露寶有機會生孩子嗎?(15分)

昨天誤將佢地放埋一齊,希望你今天已經將佢地分開啦

A.唔同品種係好難懷孕,而且混種繁殖其實會有好多問題,除左解決左你兩隻鼠唔打交既問題之外,咁繁殖出唻既鼠會有好多問題

你所講既白鼠唔知係咪小銀弧,小銀弧同小露寶差好遠,所以咁繁殖,問題會更加更加大
生物學家研究混種,其實唔係好似一般家庭咁,放兩隻唔同品種既鼠就咁交配而得出唻,佢地會將兩種唔同品種既鼠既基因純合先,即係將該品種不斷亂輪交配,令基因純化,咁樣好多代之後,再將兩個品種既鼠交配,失敗好多次之後,先可能會研究到新品種

但千萬唔好以為自行可以純合基因,因為生物學家純合基因時都出現好多問題,大約到6,7代近親繁殖後,就會有一出世就死鼠既情況,佢地會再用第D方法去改善,太詳細唔多講了,總之就係唔係一般家庭可以做到既方法
而生物學家咁樣既研究,可能就會犧牲極多既鼠先會研究到一隻健全既鼠

B.講左咁多呢D應該好悶吧,講一講近混種繁殖出唻既BB會有咩既可能:
a)DNA病毒
有機會會有一d DNA既病,屬於一D先天性既癌症,基本上可以話冇得醫既
b)遺傳病
基因出現問題,令隱性疾病既基因誘發出唻,有機會會令鼠鼠有糖尿病,濕尾症,腎病等嚴重疾病
c)肢體畸形
一出世已經有機會係缺少一d肢體,冇腳or冇牙等,由於有缺憾,所以好易會俾鼠媽媽覺得佢生存唔到而唔理,甚至食左佢.但就算過到鼠媽媽呢關,長大都會非常困難
d)殘廢
畸形既鼠,就算一出生身體上冇問題,但長大後,可能忽然會癱左咁
e)短命
近親繁殖OR混種既鼠鼠壽命一般都係較短
f)智商問題
呢個我冇睇過書OR研究,但都有話亂倫會令鼠鼠智商下降.
g)生活問題
一般都會生長較困難,亦會較惡
h)夭折
都有一出生就死既機會

C.若真係堅持要繁殖,要留意以下事情
懷孕或懷疑懷孕要留意以下幾點:
1)將鼠爸分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

食自己鼠bb有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb

另外,其實鼠鼠最好分籠,繁殖鼠鼠真係有好多問題(同品種都有呢D問題),希望你可以考慮一下唔好繁殖佢地,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-12-26 14:44:59 補充：
人同人係同品種,不管係美國人定非洲人但倉鼠中,都有分唔同品種,所以係好唔同既,佢地既DNA都唔同唔同品種既鼠的確有機會出一隻新品種,但就如上文所講,唔係屋企胡亂繁殖咁易就可以做出唻既

應該有百分之90的%會生孩子,因為大家都是倉鼠.
比喻:
1.美國人同中國人/山羊同"落tall"都生到BB
________________________________________________________________________
可能個樣會怪怪地!

[倉鼠]白鼠和小露寶有機會生孩子?
我想是沒有機會生孩子
因為白鼠和小露寶不是同一類的

有機會ga...因為我之前養過都試過....