急急~比人呃了錢~有法律知識我入來
2007-12-26 10:57 am
11月尾我有個朋友問我有沒興趣做生意,佢話佢亞哥在9月時開了一間泰國菜館但因為資金問題,叫我入股.那麼2天後,我入了6萭元現金去我朋友我户口裹,而當時我朋友說我有20%股份.但當我入了數2日之後.佢亞哥拿走了4萭元失蹤了.(原來我6萭元入面有2萭給我朋友扣起了.當佢亞哥還債給他.而且原來佢連11月的租金還未交).當時我朋友只要拿出1萭元出來叫我繼續營業.(其實當時我都不太願意做下去,因為仲有(水,電都未交).在沒有其他方法下只好頂上.但當我接手營業了15天依然未夠錢交租(因為要支付薪金和水,電的關係)還欠一半錢.到了24号那天佢亞哥出現了.當日佢亞哥同我講今日下午3點交不出2個月租便要封鋪.問我有沒有錢交(我當然說沒啦,沒理由我再拿出來頂)所以佢便說要賣盤.之後又對我說從來沒收過我錢,所以賣了都沒有我份兒.他那樣說我只好問我朋友,而我朋友同我講問佢亞哥.聽了他這樣說之後好像是一個騙局. 到了今日那間食店依然營業. .(現在我只有我過數給我朋友的入數紙和一些鋪頭的收入和支出的單據)請問有沒有得打呢?
回答 (2)
2007-12-28 2:01 am
✔ 最佳答案
你朋友收咗你錢, 話你有20%股份, 但佢阿哥話無收過你錢. 一係就佢兩兄弟夾埋黎洞你, 一係就你朋友借佢阿哥過橋呃你. 但無論點, 你朋友都巳經犯咗訛騙罪. [香法例第210章盜竊罪條例第17條 - 以欺騙手段取得財產: 任何人以欺騙手段而不誠實地取得屬於另一人的財產, 意圖永久地剝奪該另一人的財產, 即屬犯罪, 循公訴程序定罪後, 可處監禁10年.]
照我睇佢阿哥既然出現, 又叫你俾錢交租, 咁即係佢應該知道入股一事. 所以應該係佢兩兄弟夾埋黎洞你.
你接手咗15日, 大把人見過你, 大把証人. 淨係叫佢解釋點解你會係佢鋪頭營業佢都解釋唔到啦. 手上又有入數紙和鋪頭的收入支出單據, 如你報警, 會入得到罪. 你可同佢兩兄弟講, 三日內唔回水就報警. 佢真係唔回水, 就報警, 然後循民事訴訟追你朋友債. 雙管齊下. 你有入數紙就ok, 唔使借據 / 欠單. 如你肯收少一萬, 可入稟小額錢債審裁處(最高限額五萬). 否則要入稟區域法庭.
參考: Veni - Vidi - Vici
2007-12-26 6:26 pm
1.我想你去報警備案先，可能他們有心騙你！！
2.保留所有.(現在我只有我過數給我朋友的入數紙和一些鋪頭的收入和支出的單據)單據備用要影印留底！！
3.與區議員之免費法律資詢查問！！
4.無錢可申請法律援助
不便比意見可能要打官師！！
2.保留所有.(現在我只有我過數給我朋友的入數紙和一些鋪頭的收入和支出的單據)單據備用要影印留底！！
3.與區議員之免費法律資詢查問！！
4.無錢可申請法律援助
不便比意見可能要打官師！！
收錄日期: 2021-04-15 19:54:03
原文連結 [永久失效]:
https://hk.answers.yahoo.com/question/index?qid=20071226000051KK00508