✔ 最佳答案
1. 因為A直接指控B強姦佢, 所以B會係疑犯, 而唔係協助調查. 警方會去B的工作地方, 住址及佢家人屋企揾佢. 如果揾唔到佢, 警方會向入境處查吓佢有無出境. 如果佢無出境, 警方會通知入境處將佢列入黑名單. 在佢出境時拉佢. 如果佢出左境, 警方會根據佢出境口岸黎通知其他地方的海關 / 警察, 將佢列入當地黑名單. 例如如果佢由港澳碼頭出境, 就會通知澳門執法機關. 由羅湖出境, 就會通知大陸公安.如果佢由機場出境, 就會通知國際刑警. 警方重會通知所有環頭行咇警察, 留意此人. 佢一俾人查身分證, 就會被捕.
2.a. 正如(1)所講, B身份係疑犯. 所以警方係會通輯佢, 揾到佢後會拉佢, 而唔係請佢返警局協助調查.
2.b. B被捕後, A需要到警局認人
3. 不會影響審訊, 但會影響判刑. 通常如果強姦案疑犯唔用避孕套, 會判重d.
4. 無規定幾耐, 要視乎警方調查及法庭排期. 一般嚟講強姦案由疑犯被捕至上庭審訊, 大約要半年時間.
5. 根據香港法例第200章第118條 - 強姦: 任何男子與一名女子非法性交, 而性交時該女子對此並不同意; 及當時他知道該女子並不同意性交, 或罔顧該女子是否對此同意, 即屬強姦. 簡單黎講只要女方表示唔願意同男方性交, 就係強姦. 法例係唔理男女雙方關係. 即使男女雙方曾經性交造100次, 如果在第101次個女嘅唔願意, 都屬強姦. 因為雙方認識, 唔係係電梯口俾人拉去後樓梯強姦, 所以呢類強姦案無証人, 只憑女方話唔願意. 入唔入到罪, 就要睇陪審團信邊個.
