關於一單私家車撞電單車交通意外1.問落咗口工後幾時會有結果

本人是揸電單車的司機，本人約有1年03個月駕駛電單車的經驗及約有2年駕駛私家車的經驗。當晚天氣很好、當時路面是兩條線上、兩條線落、而右邊有個路口入、路形為T字口、時速限制50公里、我當其時揸住部電單車向上行駛、我的車速大約30幾公里度而我行駛住右邊線、當我駛到去路口時，我停低部電單車打著右邊指揮燈準備轉右時，我看見對面線落的右邊線有架的士停低讓我，他當時打著右邊指揮燈準備轉右入我條線，而他距離我7米度左右，他的後面1個車位度有1架私家車跟隨行駛他的車速大約15公里左右而他的左邊線係無車行駛，當時我看見路面情況安全就起步進入路口，當我而車速大約15公里轉入路口駛過架的士時，我看見架的士後面架私家車突然向左邊線駛出，向住我高速駛過來，他當時沒有打著指揮燈，我當時看見他的左邊車頭撞落我左邊車身中間位置左右時，我立即縮起左腳，而我部電單車庇他撞時，我成個人立即向右彈咗入去路口裡面，而佢架車將我架車推過晒路口才停低。意外中，我右手、腰及雙腳受傷，我架車全車損毀。我由救護車送咗去醫院睇醫生，我須要留院5日，及有43日病假。意外時有個男人扶我起身，佢比咗張卡片比我，及佢願意同我做証人。