✔ 最佳答案
吓? 係咪本地版ant farm? 好似唔包蟻個喎. 早幾年前我有考慮過養來玩下, 睇過說明書上咁講, 美國[?]玩家可以寄信去佢公司, 回郵時會收到一隻蟻后, 就可以開枝散葉嘞. 如果玩家係美國以外居住, 請自行捉蟻來養.佢地咁做係有原因架.
水馬騮 d蛋乾左可以放好耐, 加水就可以自行孵化進食. 蟻卵唔可以乾透, 又唔會冬眠, 即係一生出來好短期限就會孵出幼蟲, 點可以好似水馬騮咁放係貨架度幾個月等你來買? 而幼蟲係冇覓食能力, 一定要成年蟻照顧餵食, 至可以長大, 化蛹, 變成蟲.
所以最佳運送方法只有將蟻后寄出, 係一兩日內去到客人手上, 咁即係個包你買左番屋企既ant farm同填料裡面係唔會有蟻蛋, 最多有d防霉劑, 穩定劑個d比你加落d泥既啫.
要我捉蟻? 咪攪!!! 所以最後我買左水馬騮來養.
閣下既ant farm係唔會[嘔]到蟻出來架啦, 去捉d返黎把啦. 教你: 用一個密實盒裝兩匙沙糖, 去郊外或公園[如果噴過殺蟲水既地方就唔得架] 打開盒蓋放半日, 就會有唔少蟻入左去, 閂蓋, 得左!
參考: 自家意見, 唔好比呀媽知道係我教你捉蟻, 你成身蟻 唔關我事架, ok? ... 都係養水馬騮好d!