老公會浪子回頭嗎?
2007-12-25 2:06 am
冷淡了好幾個月,終忍不住問過因由,我問是否有第三者,他說沒有,若要早就要咗啦!是我們合不來,還說做回朋友,(七年婚姻會這麼容易嗎?)他說:感情得番兩乘,但他沒有提出離婚,佢自己話講完出嚟!就好像鬆開了家鎖一樣,直至現在他時常半夜返,有時會早返,(藉口就話公司多嘢做,)他當時不承認出面有女人,他的手提電話時常袋在身邊(好像怕我發現什麼?)我確實知道是有的,但我到現在沒有出聲質問他,因我不知道問他後,事情發展會變成點?未發生這件事前,他是一個很好很好的老公,但情況已變成這地步,我不知道還應否等他回頭?
回答 (5)
2007-12-26 7:29 am
✔ 最佳答案
七年之癢？已變了質的感情就好像已經發酵的麵團一樣，是回不了頭的；已發生的已發生，你對他忽然無微不至，只會令他覺得你「造作」，可能會適得其反，而且你更會因此而失去自我。
最聰明的女人是不會去拆穿男人的謊言；男人就是如此，愛面子不認衰。他的電話常在身邊，有可能是怕你去查他的手機；如果他真的沒有第三者，也有可能怕你滋擾到其他人。
其實你應該去問：我可以重新站起來嗎？
如果你仍是放不下，你還可以問：我們可以從頭來過嗎？當然當中必須經過結束。
與其你等男人回頭，不回等你自己去放得低；感情就好像股票，有時候你以為它會升值，誰知一個次按問題橫刀奪愛，哭成淚人。
2007-12-28 11:08 pm
你可以和他說,倆公婆有咩唔可以坐下來說.大家相處7年還不了解咩????
2007-12-26 11:23 pm
唉.......第三者，實在令人傷心! 之前有朋友同你有一樣既問題，都係老公忽然好冷淡，行為古怪，好緊張自己個電話，我朋友都估到佢有第三者，我朋友選擇左忍佢，好多野都扮唔知，係果段時間我朋友都好慘，成日都好唔開心，佢話因為唔想無左個老公，所以佢要盡力留住個老公。到最後，佢老公真係返左去佢身邊，重認左之前有第三者，佢同我朋友講，到最後先知道邊個對佢最好，雖然佢地而家無事，佢老公重對佢好好TIM，不過我朋友始終心裡面都有一條刺，覺得佢唔知幾時又再會遇到另外一個。所以你要考慮清楚，如果想你老公回頭，你就要用軟功，同第三者黎一場漫長既角力戰，但當中可能會好辛苦，你自己要唸下值唔值得啦，而且只係試一試，可能到最後，個結果都係一樣。
2007-12-26 12:16 am
而家到呢個環境,真的好難搞,你要比d空間大家,佢唔愛你就走左啦,
兩個人相處有問題,不一定是佢一個人錯哂,你當然都可能有份, 有時間就要檢討吓,
嗱,自己現在嘅優勢係同佢一齊住,記得煲湯,無論幾點返都可以留比佢,仲可以留字條關心佢,其他人係做唔到架.
如果你想佢回頭就要比心機,加油
兩個人相處有問題,不一定是佢一個人錯哂,你當然都可能有份, 有時間就要檢討吓,
嗱,自己現在嘅優勢係同佢一齊住,記得煲湯,無論幾點返都可以留比佢,仲可以留字條關心佢,其他人係做唔到架.
如果你想佢回頭就要比心機,加油
2007-12-25 2:17 am
如你是一個經濟獨立的女性, 就 say yes to him. do not expect him to 回頭, 感情得番兩乘, things cannot change back easily. Plan thorough on your marriage and come up with something meaningful with your hushand. Be strong to stand up firm. I hope good luck to you in your new life.
收錄日期: 2021-04-19 16:47:47
原文連結 [永久失效]:
https://hk.answers.yahoo.com/question/index?qid=20071224000051KK03442