點香薰有咩唔好的地方嫁?

買香薰精油記得買100% Essential oil, 唔好買薰香！(即係所香薰油，但精油少過10%o既！)



1)用香薰要注意：(即係你所謂唔好o既地方)
a) 某啲香薰可以唔啱某啲人士 (e.g. 孕婦, 高血壓) (你可以睇吓書)
b) 香薰治療師recommand用同一隻精油最多一個月，要停一個星期，先可以再重覆用！因為對身體會有負擔！
c) 精油如果要接觸身體 (e.g. 按摩, 做facial etc)一定要稀釋 (大概係10 ml底油加1-2 滴精柚，如果唔係會引致皮膚敏感。(因為精油係好濃縮o既)

2 香薰用邊隻牌子好？
我自己都有用開香薰油，但係我都唔肯定香港買邊度比較有保障。
因為其實化工原料公司都有香薰精油賣。我唔知美容院嗰啲人係咪喺化工原料公司入完貨然後自己入樽。(其實平好多，不過保障底啲。)我自己買香薰油都係喺啲香薰美容院買。如果你真係要啲大牌子，Jurlique囉。不過勁貴 + 標籤註明爭少少。另外彩豐行都有，好平，平到我好驚吓。

3 邊種味幫助熟睡？
我recommand你去返啲香薰美容院問吓，啲老闆多數本身係啲香薰治療師，佢哋一定熟。(好彩so far我去嗰啲都唔係好hard sell) 。另外citysuper有counter賣一間香薰美容院o既product (間嘢叫CK Production)，你問吓睇counter個staff, 佢都好好人答你問題。
你直係好唔想問sales, 你可以睇書，大把書有講香薰療效。

4 香薰精油一般價錢 (5 ml計)
- 柑橘類：用皮壓法提煉多，所以提取數量多，所以價錢相對比較平 ($70-$160 不等, e.g. 檸檬 $70, 西柚$1xx)
- 草本 (蒸餾法): 價錢視乎提取量而定, $80-$250不等, e.g. 薰衣草 $1xx, Rosewood $1xx
- 溶液法：用於花卉類多。有啲花要好多朵先提取到1滴精油，所以好貴。e.g. 橙花, 玫瑰 (要5千幾朵花先提煉到1滴精油), 茉莉。around $1,000好平常
香薰o既嘢，平有平玩，貴有貴玩啦！我玩係因為佢聲稱有天然美容療效。