倉鼠離世一問

請留意,切勿自行埋葬鼠屍到公園等地,因為自行安葬屍體,係違法既

其實就咁掉左隻鼠落垃圾桶我又唔覺得好慘,對鼠鼠好唔好,最緊係係鼠鼠在生既時候,掉左佢佢都唔會有傷害,如果人死左可以咁掉左就算,我都想我死左係咁處理,當然個個人睇法唔同
鼠鼠死基本上有三個處理方法:
1)掉落垃圾桶or垃圾房
我多數會用鼠鼠訓開既瞭望台加紙盒or紙盒裝住死去既鼠
加大量木糠在底,放上鼠屍,再加木糠及鼠糧,再用封箱膠紙封好個盒,再用袋袋好,再封住個袋,先直接掉去垃圾房or垃圾桶,最好盡快去到垃圾箱.

2)交獸醫處理
資料來自環保署:
(http://www.epd.gov.h k/epd/tc_chi/environ mentinhk/waste/prob_ solutions/ani_carcas s.html)

在睇獸醫時死亡,獸醫會代你處理屍體
目前大部份動物屍體均透過許可證方式在環境保護署轄下的堆填區處置，只有很少部份會火化。
如果動物係帶有病菌,就屬於醫療廢物,其實大部份處理方法都係同以上所講既一樣,但都有其他情況,如下:
a.熱能處理技術
b.另類及其他嶄新的處理技術

詳情可到我回答的知識度睇下: http://hk.knowledge.yahoo.com/question/?qid=7007061904662

3)寵物善終服務
可以打電話俾一d寵物善終服務既公司,我未試過但睇過有關網頁,鼠鼠死左之後打電話去,等唔係好耐就會有人上門收屍,再跟據主人既意願去火化處理,再睇下骨灰係土葬or海葬or入骨灰盎等.詳細可以參考以下網頁
http://www.petsheaven.com.hk/index.htm

我唔知佢收幾錢,但如果你想問詳細D,可以SEND EMAIL去or打去,我之前send過email問,好快有回覆,好似裝骨灰個盒都要2百幾

鼠鼠死亡有以下事情需要留意:

1)切勿自行埋葬鼠屍到公園等地,因為自行安葬屍體,係違法既

2)澈底同鼠鼠既籠同用品消毒先放第隻鼠入去,可以洗好之後用消毒藥水(用呢個就要風乾,再放一段時間先可再用,唔係會有殘留物質在上就唔好啦),動物專用消毒劑or牙膏去清理

3)如果同時有第隻鼠鼠同死去既鼠有接觸,就要小心檢查健在既鼠會唔會有咩病,睇下死去既鼠會唔會有菌or有病傳染俾鼠鼠,都要睇下餘下既鼠鼠有冇外傷,排泄物同身體有冇異常

4)當然,都要調節個人及身邊既人對鼠鼠死亡既悲傷心情.

如果發問者不幸係有鼠鼠死左,就希望你好快冇事啦

2007-12-24 08:39:01 補充：
我又唔覺得將鼠鼠既屍體掉左佢就好衰or對鼠冇感情先咁做,我個人睇法係,對鼠鼠好係在鼠鼠在生既時候去做,而死左既屍體已經冇感覺了鼠鼠壽命短,如果隻隻去火化,一來好難安置咁多既骨灰,放在家家人未必會接受,安放寵物靈堂既話,太多隻都真係唔少錢,二來花錢去處理屍體,倒不如將呢D錢用唻對鼠鼠更好,又或去做一D善事,唔係更好嗎?如果人都可以咁掉屍體,我都好希望當我有日死左都係咁處理,方法簡單,花錢落我既屍體上,倒不如將錢去幫助未死既人OR動物,不過我都好明白好多人都難以接受我呢個諗法

2007-12-24 08:39:16 補充：
而埋入泥土既方法係犯法,真係唔好試,希望樓下兩位網友唔好介意,我唔係針對兩位,但都希望兩位會睇到,留意返,唔係犯左法都唔知

2007-12-28 01:40:42 補充：
謝謝網友vivillviy之理解知識＋咩人都有,實在好怕講左d咩得罪人,好言相向都會俾人鬧or追住唻玩太傷心的確好易犯錯,養鼠我都錯過好多次(不過我冇試過埋葬屍體),而家都只係在知識 分享經驗,都係唔想人地好似我細個咁唔洗叫我博士,博士只係知識 既玩意^^

2007-12-28 21:12:05 補充：
謝謝網友vivillviy誇讚^^

交比獸醫或掉入rnbbish　bin

在香港，就算是人離世，不是土葬就是火葬，最近才有海葬(火化後骨灰撒進海裡)，倉鼠去世了，也難免是這幾種方法，除非抛進垃圾筒，但對寵物有感情，很難做得出。
有些人會選擇將寵物土葬或火葬，之後買私家靈位，或將骨灰放在家供奉。
我養的小倉鼠死後，我將牠的遺體放在自己摺的紙盒內，去日本城買了個盆栽用的小鏟子，再到公園花圃旁邊的泥土翻鬆，將牠好好埋葬。
相信紙盒和小倉鼠都不會影響花草的自然生態，而且，當時也想不出別的方法。
雖然這個答案可能幫不到你，卻是我的經驗，也希望其他網友分享他們處理寵物遺體的方法。

2007-12-28 00:17:09 補充：
博士言之有理，怎會是針對呢﹖謝謝提醒。當時太傷心，不知道怎樣處理，又不忍心將牠丟進垃圾箱，才想出這方法。不論是否觸犯法律，香港經歷沙士、禽流感之後，我非常認同博士所言，不應將倉鼠埋葬在公園。

2007-12-28 16:49:53 補充：
想不到答一條問題，反而知道更多，多謝博士的分享。

你勾起我的最傷心的回憶
圖片參考：http://hk.yimg.com/i/icon/16/2.gif

除左泥都冇乜辨法,你唔會捨得燒了牠！
我當時都係泥葬牠,建議你去新界或花草樹木多的地方,
帶定個鏟子,冇就用隻餐廳用果種鐵匙羹,用力掘個深洞
埋了牠。鳴鳴鳴.....I'm crying