倉鼠ｂ可唔可以同鼠媽分開嫁？．．．

A.希望你可以考慮清楚先至買多隻鼠唻繁殖,繁殖鼠鼠除左你講既野之外,都有好多問題,繁殖前可以會打交,繁殖後唔計你講既野,鼠媽仲可以會難產,生育過又易生腫瘤or其他疾病,鼠b大個左又會互打等問題,唔好以為同一胎就唔會打交,唔同性別仲有機會亂倫
唔知你之前3隻鼠係因咩而死?如果係打交既,就更應該明白鼠鼠打交既嚴重性

如果繁殖鼠鼠,鼠b戒奶時,鼠爸鼠媽同鼠B都要分籠,最好都係鼠B戒奶後一隻隻分開籠,避免打交同亂倫,繁殖前一定要考慮清楚,真係可以照顧到咁多鼠鼠?
既然你繁殖鼠鼠之前會諗下有咩問題,實在值得鼓勵,更希望你可以再諗多d,先再做,鼠鼠繁殖速度好快,如果不斷繁殖,聽過網友講,幾個月就可以有幾十隻鼠

其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

B.鼠b出生到戒奶(約21日大戒奶),都必須同鼠媽一齊住,唔係就生存唔到,人手係俾唔到奶俾bb食,好易"俗"死鼠b,而且鼠媽媽除左俾奶俾鼠b飲之外,都有其他職責,唔係人可以取替,好似幫鼠鼠清理排泄物,教鼠鼠出去搵食之類,相信都冇可 能24小時照顧到鼠b既排泄物,如果冇人幫鼠b清理,鼠b都會死既
就算俾你有途徑買到剛出世既鼠b,都一樣養唔大,何況寵物店係買唔到既,鼠店既鼠大多係21日至1個月大左右

C.如果真係堅持去繁殖鼠鼠,生鼠b前要留意:

鼠鼠生左bb之後要留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

食唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

2007-12-23 18:06:41 補充：
鼠b會到12日左右先會出唻搵野食,12日之前絕對唔可以俾鼠糧俾鼠b,就算食物整碎,都會哽死鼠b

好詳細！

倉鼠ｂ同倉鼠要分開養,倉鼠智食左隻bb,你只要張d食物正碎跟住喂下佢就得嫁啦~係倉鼠店可以買到倉鼠bb