拖波/棍波/速度掌握

在下都係棍波新手 (自動波廿年)，最近先買o左部棍車自己練功！
憑小小經驗，我覺得你 d 問題應該咁去考慮：
1) 轉彎位係應該先考慮你入彎位o既速度先而唔係你由幾多波轉到幾多波。即係如果係以高速入個急彎你可能要由 (例如) 70 公里轉到 30 或以下先至可以安全轉到個彎：咁係呢個情況之下你可能要由 5 波直入3 或甚至 2 波。當然如果可以一個一個波咁轉落去就最好喇，因為咁無咁容易傷到個波箱。但渣車始終以車 (同其他道路使用者) o既安全穩定為依歸，所如有時明知傷都要跳波咁轉，起碼你唔會反車或衝o左出去嘛！
2) 而落斜時一樣，例如我一出停車場就長命大斜落，我會行一波出停車場，一入大斜就上3 波俾佢『流』落去。因為係行大斜路o架車已經有佢o既惰性動力 (即地心吸引力)，所以由一跳波去 3 或 4 都唔會『車頭震』，你只有好好地利用個煞車同極力子去控制就可以了；反之而言如果你由用 3 波轉一個上大斜時如果你唔轉底一兩個波你o架車個車頭就會有 d 好『鞋』o既感覺，甚至於死火。原因係你個波檔數大高，個引擎係個較底o既轉數好辛苦先至推到個波檔，呢個情況你嘛感覺到個車頭『震』囉。而呢個情況而相信係發生係係你話《到彎位只係減速,無轉波(即3波拖2波),如拖波架車會震》個情況到。
3) 最後上斜開車死火，我相信原因係極有可能你學車時o架車係油渣貨 van，而你後來渣電油私家車。 貨 van 成 3000 cc 同埋係柴油，係低轉數 (例如 800 rpm) 時隨時係你 1500 cc 電油車o既扭力 4/5 倍，加埋上斜用同一樣極力子同油門控制方法，唔死火都幾難囉。最原始方法就係俾大 d 油先， keep 高小小轉數，好慢好慢咁放極力子同時放 hand-brake。直到你日子有功，好清楚熟晒你o架車個磨擦點邊到開始，即時配合油門就會可以好瀟洒地斜路開車喇！

總好過markchan

想問下我成日到彎位只係減速,無轉波(即3波拖2波),如拖波架車會震

答 : 你要攪清楚, 架車會震係架車有問題, 定係你駕駛出問題, 正常換波點會震 ? 如果係架車有事就拿去整.



問題1: 5波拖4波時, 減到幾多km先最好? 4波拖3波? 3波拖2波?

答 : 如果你係買新車, 應該有本書仔會教你如何最慳油最有效率轉檔.

以一架 EK 為例, 慳油例子為 :
1 波 2500 轉上 2 波, 大約 20KM/H
2 波 2500 轉上 3 波. 大約 40KM/H
3 波 2500 轉上 4 波. 大約 60KM/H
4 波 2500 轉上 5 波. 大約 80KM/H

以上係一本 EK3 原廠說明書指引, 上 / 落波可以用此作參考, 當然閣下用什麼車亦要再睇睇, 作適當加減.



問題2:落長命斜時,拖波要訣步驟如何?

答 : 減慢車速, 用 2 波或 1 波行車, 轉波技巧從來都係, 要快且順.



問題3:我考車時,斜路開車ok,但現實會有死火?(例如荃灣上石籬)

答 : 如不是車本身問題, 那你就該多練習吧, 技巧不是上網就可以得到.

2007-12-28 08:44:01 補充：
「 一入大斜就上3 波俾佢『流』落去 」

兄台, 你再開多廿年車都會害死人呀, 流架車落斜 ? 都係自動波o岩你多 d. 你連學神有o既智識都未有..