✔ 最佳答案
如果你想係掃桿捕果頭學車, 咁你就唔需要考慮 "香港駕駛學院", 因為 "香港駕駛學院" 的練習及考試場地都會係鴨利洲...
至於邊一間學校好, 真係各有各睇
HKSM: 質素當然最好啦, 1 次過 PASS 合格率高, 但收得最貴. 學車地點只有沙田, 鴨利洲同元朗, 未必方便. 另外每次的導師同車都會唔同, 點都有少少影響 (但 2 個導師的確比跟死 1 個好既...) 同埋 HKSM 的學生好多都冇咩實際路面經驗... 好多都要補鐘的... 最大問題係就唔到時間, 要改動 BOOKING 要比錢呀
坊間駕駛學校: 如似李記, 鏗記個堆... 收費平過 HKSM. 如果你又咁叻一次攪掂, 真係比 HKSM 便宜成半架... 坊間駕駛學校就會係街上學車, 會有一個導師同一架車由頭到尾跟住, 對你熟習車的性能有一定幫助. 但因為街外路面突發情況太多 (例如失驚無神有架的士係路口飛出黎), 新仔好多時唔識點處理... 就咁肥左... 不過同樣你又可以睇到真實的路面情況, 到考試或日後駕駛都有幫助
街車師傅: 得罪講句, 除非熟人介紹, 否則唔好點考慮... 因為部份街車師傅質素良莠不齊... 我學車時見過 D 街車師傅係車上睇馬經, 訓覺咩都有... 不過因為駕駛學校同 HKSM 不斷吸晒 D 新客, 變成佢地好鬼得閒, 要約鐘學車真係比前兩者易架... 但不用考慮什麼安全問題... 你幾時聽過睇過有教車師傅非禮學生 ?? 多疑 !!!
另外, 學車係一定要比人 "鬧" , 比人話,(人身除擊除外). 如果少少氣都唔受得, 就真係唔好學車. 師傅話你都係想你好, 撞車可大可小, 會死人的 !!! 而且路面情況突然, 有時只有 1 秒時間你考慮, 師傅點用 1 秒鐘同你講道理 !!! 只會喝停你. 學車時如果唔比人話過, 你一定唔記得自己犯上咩錯 !!! 將來就算比你考到牌都冇用 !!! 因為你對其他道路使用者太危險了.
價錢方面. HKSM 最貴, 由頭開始學當你 1 TAKE PASS 最少都 8000 蚊. 坊間的駕駛學校就便宜好多, 如果你 1 TAKE PASS, 大約 4000 - 5000 蚊左右. 以後每肥一次, 要再考過既就每次要約 2000 蚊.
由你報名的一刻到考筆試大約係 1 個月, 筆試合格後約 3 個月考路試. 即最快 4 個月攪掂... 如果肥左要再考, 路試再排就需要約 2 - 3 個月, 視乎個一段日子多唔多人考試而已
