我犯左法我犯左毒~~~~急急急

根據上訴庭在98年5月26日所訂下對Ketamine (K)的判刑指引, 販運25克以下的K仔判刑由法官決定. 25克以上至400克以下判刑起點是2-4年監禁. 400克以上至800克以下判刑是4-8年監禁. 800克以上判刑是8年以上監禁.
呢個係上訴庭訂下的判刑指引, 所有法庭 / 法官都要遵守. 法官無得私負更改 / 加減. 加上近來K仔巳經成青少年最hit的毒品, 所以法官判刑唔會手軟. 你會被判坐監大約3年, 即係36個月.
如果你認罪, 可得到3份1減刑,即係判坐24個月監. 如在獄中行為良好, 更可得到額外 3份1減刑,即係實際坐16個月.
你單案判刑高過裁判法庭的權力範圍, 所以就算你認罪, 法官都會將單案轉去區域法院判刑. 而普通事務律師係唔可以在區域法院打官司的. 你要請個大侓師幫你.
無錢可以申請法援. 大部份大律師都會做法援案件. 所有大律師都係專業, 無話邊個求情特別好. 而且大部份無組織犯案的人, 犯案原因都係窮, 等錢使, 一時衝動...法官會話等錢使唔代表可以犯法. 所以呢d求情理由, 法官唔會接納.
好好會重新做人! 比你窮的人大把. 你肯努力, 香港係無餓死人的!

法援署只接辦地院或以上級數法院的案件，如在裁判署審理，法援署無權力提供協助，可向各裁判署當值律師求助 (其實法庭當值律師同法援署無乜分別，只因負責不同法庭的案件）。

段估你都係裁判署case居多 (如果 地院、高院仲比你擔保出來上網？祖宗咁有？)，拿拿林搵當值律師啦。

K仔/fing頭，25克以下，法庭有酌情權，未必一定判坐監既。

大麻 草 /大麻樹脂 ( resin)同大麻油 (咪扮未聽過呀拿): 2000克以下，可判不多於16個月監。認罪減3分1，監房行為良好再減3分1，呢d唔使我講啦？

再講啦，兄弟，有無錢，同求情無關系的。安家費你就收足了 (你d "舊朋友"真係唔驚你爆佢出來呀？咪當人sor架啦)，點處理，你自已決定，做金手指篤人就仲有得減刑。

2007-12-23 00:06:15 補充：
判刑指引2-4年，如果開低水，2年減3分1=16個月，再減3分1行為良好=10.xx個月監。

你可以去法律援助處