會計科目一問

我而家起某大學讀會計. 其實間間大學會計系讀既野未必一樣, 但有幾樣一定有. 包括: 財務會計、成本會計、公司法、商業法、稅務、審計、英文、中文(或實用文)及普通話等. 另外有些大學會讀商業基礎知識、商業數學、經濟、管理導論、中國經濟等.
其實財務會計及成本會計都幾講你邏輯思維. 例如你要知道條數點計、點解咁計. 有時一條數要應用你一直學過的概念. 學會計亦要講循序漸進, 要有耐性, 開頭老師教既一定要學識, 如果唔係到你學會好辛苦. 雖然開頭係學加減數, 但點解要加要減係有原因支持, 之後就會愈學愈深, 所以概念你一定要學好, 唔明就要問到明.大學會計唔會只限於計數, 而家會計角色愈來愈多元化, 有時做題目會叫你比建議, 表達個人意見. 你所講的複利息會與成本會計及商業數學相似.
英文方面, 其實我覺得要好, 因為到大學你要用essay寫英文, 又要自己睇好多會計準則同關於商業既消息.
如果你想做會計師, 建議你多去一些有會計師討論區的網站, 了解更多會計的工作性質是否與你所想的有很大出入, 以及想想會計真的是否適合你.