後衛與龍門

1.
後衛主要分為中堅(centre back)、閘(side back)、翼衛(wing back)、清道夫(sweeper)
簡單ｄ黎講後衛都係防守為主，但每個岡位都會有自己既條件，例如做中堅好多時都只需要"寒"住對手，因為自己既後面得番個keeper，自己呢關唔可以俾人過 (寒住對方既對方想射都會有難道吧)。而且打中堅搶到人地腳下球就唔可以hold太耐，要第一時間俾番中場既球員，就算你前面有幾十碼空位，你都唔可以帶住個波衝 (當然某ｄ情況都容許你咁做既，有時都可以見到加歷查會引球推進，但佢後面必定有個希比亞或防中回防佢先敢咁做，推波最多既中堅可謂盧斯奧了)。
閘同翼衛既角色其實差唔多，兩者都唔需要好似中堅咁，下下出腳都得，因為就算俾人過左都仲可以有中堅包。而搶到對方腳下球後通常會響邊線，所以可以見空位就爆，絕對唔需要理後面有冇人。翼衛係近年幾吃香既位置，通常會反而攻多過守。
清道夫主要可以理解為企o係最後，負責有波就清，但o係現今講求進攻、好睇既足球，後衛都要有入波能力，所以清道夫已經唔存在，就唔講咁多喇。

2.
龍門冇可能有第二種吧...龍門主要都係守好最後一關，而且同後衛要有好既溝通，必要時 (例如最後一分鐘仲輸緊一球) 甚至要參與埋死球既攻勢，搏一搏單車變摩托。

3.
斬波其實有好多野可以影響一個波既去勢，力度只係次要。例如個波黎你隻腳既方向、力水等等，諗下力學既問題就知，例如一個波係向住你黎既，只要輕輕力一斬都可以去到好遠，所以掌握時間亦係相當重要。當然，想高既就斬波底只係基本足球學問吧。

4,
射波主要分力度同角度兩個學問吧。
力度黎講，當然首要既係強化自己既大腿同小腿肌，方法例如跑樓梯、青蛙跳等等。最有效既就用沙袋 / 鉛袋，戴住來踢波，當放番出黎既時候個人輕晒，自然力度都會大左。
角度黎講，就冇咩特別方法了，主要都係練多ｄ，自然就會準ｄ。


打左好耐，希望幫到你!