send求職信同send e-mail履歷表有咩分別??

求職信(Application Letter)同履歷表(Resume)係兩樣野.

求職信係一份長篇大論的信件, 係"信件". 通常第一段會講你係邊度見到份招聘廣告; 第二段簡單講下你過往工作或你就讀的學校科目; 第三段就講下你入到公司對公司會有什麼利益等等; 第四段就禮貌講句多謝閣下關注, 會等待閣下聯絡面試.

而履歷表, 就係一份簡簡單單, 以point列出你的學歷及工作經驗等等的文件.

如果人地只叫你send CV或者send resume, 不論係郵寄定電郵, 你咪send份resume過去囉. 有d大公司會寫明要application letter同resume, 咁就要send兩樣野過去. 千祈唔好人地冇叫你send application letter, 你就自己又send過去, 因為如果你英文唔係太好, 好易俾人捉到你求職信英文錯誤, 咁就真係"獻醜不如藏拙".