如果倉鼠蛀牙會點?

唔緊要,好多人都唔會理問題,冇處理到問題而覺唔好意思再發問既實在未見過,感謝你既尊重,尊重既感覺比分數重要得多^^

倉鼠其實好難會蛀牙,倉鼠牙齒既問題,主要都係牙過長

A.倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長,所以要不斷磨牙,唔係牙齒過長會令鼠鼠食唔到野,合唔埋口,甚至插穿鼠鼠既口,而令鼠鼠死亡
正因為鼠鼠既牙齒係咁,牙齒不斷被磨走,牙齒根本就好短時間在鼠鼠既口內,而蛀牙唔係一朝一夕既事,因此倉鼠應該就好難會蛀牙,我養左咁耐鼠,我既鼠or聽人地既鼠都冇發生過蛀牙既問題,書本亦未見過有記載

B.雖然唔易有蛀牙既問題,但都唔可以亂俾野食俾鼠鼠,糖or較黏既食物雖然唔易令鼠鼠蛀牙,但會令鼠鼠既腮出現問題,令腮生瘡,整唔返食物出唻,甚至腮穿埋,加上胡亂俾野俾鼠鼠食,會令鼠鼠過肥or傷害鼠鼠身體,所以在一般情況下,只係俾混合主糧已經好足夠,而家既鼠糧都係經研究而鼠成,好有營養既,而主糧係指一包有好多種唔同野食既糧.我 近年既鼠就只係食主糧,我個人經驗係愈少雜食,鼠鼠身體愈健康

C.為左防上鼠鼠牙齒過長,可以買d磨牙石俾鼠鼠磨牙,如果隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬

鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制 同專俾鼠鼠用既磨牙用品係最好既

D.萬一鼠鼠既牙齒真係出現問題,例如牙過長,估唔埋口,流口水之類既情況,可以帶鼠鼠睇獸醫,牙過長令鼠鼠食野有問題既話,一定要睇醫生同鼠鼠剪牙,唔係鼠鼠就好易死架啦

帶鼠鼠睇醫生可參考以下資料:
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/

旺角動物診所 - 梁醫生
九龍窩打老道66號A地下
電話 : 2760-1026

倉鼠會唔會蛀牙?會
如果倉鼠蛀牙會點?死
係邊到睇醫生?哈姆太郎俱樂部