法律問題~~好煩(請有經驗人作答)15 points

有不同看法，得罪莫怪，有錯就請指教。

custody點解唔係 court order??如果當日離婚係 by consent order,即雙方同意撫養權安排而經法庭命令作出，點解唔係court order??

3條問題其實講緊同一樣野，但係order通常會寫明如要帶子女離境，要先得到對方同意喎....

你睇清楚個order先問好喎，唔係到時去到機場唔比出閘，你成個硬左響度喎....如果真係咁寫，你比幾多錢打官司都無用啦，你叫個官出個order比你帶個仔走等佢老豆搵佢唔到呀？你做官你肯唔肯咩呢d飛丫？掉番轉，你前夫粒聲唔出一Q帶個仔番法國，你話對你又公唔公道丫？

所以我建議你都係搵你前夫law個consent好過勒。

2007-12-21 23:46:27 補充：
一點補充：欠債不過還錢，錢債監呢家野已於1980年取消。亦未見過有人因無錢比贍養費而坐監(無錢點比？搵得多，都仲要睇佢支出幾多，唔能夠要求佢自已唔食、而家d老婆仔女唔養咁來比你先叫合理呀?)如果真係要佢consent先可帶小朋友離境（我相信都真係會咁寫），就算佢坐監，唔代表你可以唔使遵守喎 (老豆唔出得監探個仔遮，個仔可以入監探老豆丫馬，你帶左佢出國喎，點探個老豆？)唔arm聽我都係咁講。

2007-12-22 22:25:32 補充：
才疏學淺，個人認為"合理可行" 的解決辦法得3個:自然的：等到個仔18歲 (唔知你個仔而家幾多歲)，成左年，監管令失效，有個人自由；軟來的：好聲好氣同佢傾，留低澳洲聯絡地址電話，law 佢consent；硬來的：入稟法庭，申請修訂原來的命令。最不理想的方法，琴日講過，你話亞大老爺肯唔肯咩呢d飛丫？其次，費時失事，你前夫如果提對的話(當然佢有權，掉番轉係你，都有權啦，係咪？)，就唔係講緊三兩個月搞得掂的事，一拖幾年都有之(視乎雙方要提出的証供多少，無定)，到時你個仔都成左年啦。唔好講律師費了。試下軟來的啦，希望幫到你。

2007-12-25 21:14:17 補充：
唔係撩交嗌，大家研究下咋....樓下果位學長所講的，從法律程序的角度來看，很大程度上表示同意。但有一個問題：你的要求是半年後移民 (即半年內搞掂)，如果樣樣都向法庭申請、入稟 (當然你有權咁做)，我完全唔認為可以在半年之內搞掂，年半搞掂都算你行運。無可能。你身在澳洲(呢樣你家陣至講架咋)，入稟更多一重風險。一旦入稟，如果你前夫反對，大家鬥做誓章，好易liu爆你人在澳洲兼大肚，咁你重追乜野贍養費 (有人照顧)，law乜野撫養權(自已都唔湊，dum比亞媽湊)？隨時比人將你一軍。自已諗下點決定吧。

2007-12-30 15:59:03 補充：
抱歉說句，根據你所講的資料，要在半年之內搞掂，怕且都幾難。如無半年時間限制，則可據樓下那位學長所說的進行。亦很抱歉的說，你很執著自已應有權益，我知撫養權係比左你，但也不能忽視前夫應有的權益呀，他也有探望權利的，亦都係白紙黑字訂明的。都係果句，佢粒聲唔出帶個仔返法國，唔通又叫合理，又叫做對你公平？奇怪，通常贍養費就係咁意hkd1都叫有，無比贍養費你？好少見喎......