一d倉鼠既問題

睇到樓上網友話鼠bb一星期大要食水果,其實絕對地唔可以,咁係十分危險

a)鼠b一星期大,只係剛出毛,要到12日大左右,先會出去搵食
b)如果親自俾bb食,一來會哽死,二來會令鼠媽媽好緊張,可能會食bb
c)水果好快就會變壞,如果成日更換,都會令鼠媽媽緊張
d)就咁放在籠等bb食既話,絕大機會係鼠媽媽一個食晒,咁會做成肚瀉
e)水果只可以食極少,食得多會肚瀉,所以我就唔建議亂俾水果俾鼠鼠食

A.如果21日大冇將鼠b同鼠媽媽分開,就應該唔會咁準確21日大會戒奶,飲到幾大則視乎返鼠媽媽俾佢地飲到幾大,有研究表示會去到28日大左右,但如果俾佢地飲到28日大,就會有打交,亂倫,飲奶飲到鼠媽媽痛既風險,所以最好在鼠b21日大既時候戒奶分籠

鼠b出去食野其實並唔代表唔再飲奶,一般鼠b在12日左右已經會外出搵食,但同時都需要依賴媽媽既奶去成長

B.最好等到鼠B 21日大,同鼠媽媽分籠之後先掂鼠b,雖然鼠b已經19日大,自己識得出去食野,但一日未戒奶分籠,鼠媽都會有傷害bb既風險,所以都唔爭在等多兩日吧?除非鼠媽已有攻擊鼠b or鼠b互打,咁就可以而家戒奶分籠

C.鼠b18日大已經可以戒奶,但最好都係等夠21日,營養較好先分戒奶分籠,長大之後身體都會好d

D.鼠B戒奶後係要同鼠媽同鼠爸分開住,最好係將鼠b都各自分籠
因為鼠媽對BB既照顧只去到戒奶期,到鼠bb可以戒奶,鼠媽媽就唔再對鼠鼠有感情了,只會普通一隻成鼠咁看待,真係唔好以為鼠b長大就安全
而鼠爸爸,更加係完全地對鼠bb冇感情的

加上鼠鼠大約十多天至個多月就會有繁殖能力(幾時就要睇返係咩品種)

所以一大一小既鼠住埋一齊,係好易會打死鼠bb or發生亂倫既情況,亂倫既鼠好易會有畸胎既出現

鼠b一齊住,如果有男有女都會亂倫,同性別都有打交既可能,我細個都有繁殖鼠鼠,最要好既兄弟,我出去一陣就打到頭都甩埋,姊妹都有試過打到好勁,所以唔好以為同一胎就冇問題,我自己覺得,有任何機會會打交,都唔應該用鼠鼠既生命去博佢冇事,一有咩事既時候先處理,可能就已經太遲了

可參考返其中一位網友既問題:http://hk.knowledge.yahoo.com/question/?qid=7007070100930
佢既鼠b24日大,都有俾鼠媽傷害既情況,鼠b可以生存到24日,可想而知之前一段時間都有照顧鼠b既心,但到過左戒奶期,已經開始當鼠b係普通成鼠了

E.另外,其實鼠鼠最好分籠,繁殖鼠鼠會有好多問題,希望你之後可以考慮唔再繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-12-20 20:07:51 補充：
正如上文所講既咁,而家已有打交就要分籠既然已打交,更加唔可能等過左21日之後都唔分籠,仲一定要將兄弟姊妹都分開,唔係打傷打死就慘了分籠後,要仔細檢查晒咁多隻鼠身體及排泄物,就算冇打傷,受壓力都可能會誘發疾病,所以一定要小心,有咩問題就要盡處理

一星期後倉鼠仔便會全身長滿毛毛，此時可多放一些黃/緣色的蔬菜或新鮮水果給
牠們進食，這樣能夠從水果中吸取更多的水份，來避免因缺水而產生便秘而導致死問題。

兩星期後倉鼠仔便會張開眼雖然如此但牠們還要繼續吃奶的，在這個時候終於可以清理籠子。

三至四星期後倉鼠仔便會斷奶，這批倉鼠如果全部都是自己養的話請把雌雄鼠分開來養以免牠們雜交。