煲湯如何更濃味

我都有煲這個湯。
我會用1斤紅蘿蔔，大半斤青蘿蔔，切片，出味d 。揀顏色鮮濃的蘿蔔，青蘿蔔要揀白色少青色多的。紅蘿蔔有兩種，幼身的是煮餸用，粗身有泥的才是煲湯用。有時會落埋一支粟米。
會賣西施骨，包魚骨或豬展骨嚟煲，大約$30 。同惠康買。我試過同街市買，佢地個d擺起度有水出，唔係新鮮豬肉，煲出嚟d湯無味。
至於配料方面，小許金華火腿，幾粒江瑤柱（先浸開 meet 絲），蜜組4-5個，乾螺幾個，南北杏一些。
水大約10碗
先煲水，大滾後落料，再大滾後大火煲半小時，文火煲2小時（要有菊花蕊滾起），再大火煲半小時，息火焗一焗佢，煲湯會香，甜，而色亦濃。我冇落鹽都好夠味。
記得要睇有冇煲乾水，因為我唔知你個爐會猛火成點。

我以前都有你既問題?有人教左我,如想飲濃味 ,早一日煲,第二日飲,我會在晚上8或9點用電煲SET三個鐘,煲完自動停,會自動保暖,擺到聽日飲,個湯好味到不得了,好入味,你試試呀~~~

D湯唔夠香, 可能係你做少左以下步驟~

1. 你要先用薑片，及少少油，爆香舊肉先，
再連其他料掟落水煲...咁舊肉先會出味

2. 你可能放得太少鹽...
通常我會試左味先，真係唔夠味，我就落一少茶匙鹽，
搞均再試味...唔夠味, 再落少少, 直到啱為止!

3. 肉類你可以選豬展或豬骨，因為呢兩種肉煲出來特別有味...
而且夠大舊，可以唔洗點理佢，總之由佢滾咁就得


祝你煲到靚湯啦! ^.^

不要落太多水,

加豬骨,加火腿