我應點做?

有時出來做野,都要講下命水,好彩跟到個亞頭好嘅,做事公正又肯指導維護下屬的,咁就有福咯!
可惜多數都係d有功自己領,有錯搵人認的小人容易做到小頭目嘅,無法啦,俗語說唔怕官最怕菅,鬼叫佢係你上司咩,除非唔想撈就越級投訢,如果暫時未想轉工就忍氣吞聲啦!
有時做人都唔可以直腸直肚,一味勤力死做就得,有時都要迎合上司的脾性工作都順利d,好似亞爸亞媽都會對個聽話的仔女鍚多d,有好野食都留番俾佢啦!但係如果個仔平時唔聽話又頂心頂肺,梗係少少錯都乘機打多兩野咯!
自己仔女都會偏心,所以一定要搞好人際關係,不過千祈唔好對上司太明顯擦鞋,鞋油擦過龍整污人對腳仲衰,總之講野順下佢,有時碼下佢,間中請佢食野之類,咁佢至當你係自己友喎!另外同其他同事都要夾d埋下堆,唔好我行我素孤立自己,有乜事都會容易有人幚自己吖!
你自己想想係唔係?係自己友當然關照d啦,有乜衰野錯野一定搵唔係自己友果個認啦!

如果做嘢要做到是非黑白不分嘅話，我寧願唔做嘢攞中援咯,,,,,,,,,,,,

繼續做好您的工作，百隱成金，唔受得苦又點做大事呢 !! 心知肚明就算了，大智約愚呀馬。